TUYENI KOLUPALE LA TUYENI: Ee security odidule ovapolisi pailonga

0
438

 

Heeno oshili ame efeinge ndimu lombwele oshili yo oyo tai ka ninga oshili noshiveli shomeeshili, nongeenge otai twalelenge, oshili nashi udike kovaNamibia aveshe, osheshi vakwetu vamwe ova tetekela nale molwaashi kwali tava popi oshili tava ti, heeno oshili Namibia eli oletu vene  inamu shi dimbwa nande vatekulu vange.

Potete molwaashi ondi hole ombili, onda hala okumupa ombili nohole shaashi ame amushe ondimu hole, osheshi ava tamu ka kwatwa koitya ei ili momushangwa omu komwenyo, oshili vaholike kaleni mengungumano.
Ovanamibia amushe ovaholike, oshikando shimwe onde mu lombwelele ngo nda tile, ame mwene ondimu hole ashike oshili kandi hole oinima ei hamu ningi oshe shi oya nyika oshiponga.

Security omunailonga a dinika ngeenge tashiya moNamibia, edina loilonga ole mu shudula nale ndele noikutu to hange adjala oya ukilako kedina laye. Oto hange a homata oikulumbwati afa talifa eengobe neengumi afa taka yasha oudila ndele vati mboli nodjambi ya ye ongaashi ngo omunhu wa landelwamo kumukweni. Ashike omunailonga oye tu ou, oye ngo to hange a kelelifwa pomatiti enya ena eedjove, eli ngo ofika alushe apa padjenga hano, nonande ye haka nangala ngo ta kwena ondjala nge ai keumbo.

Ova Namibia otuli hole fyeevene, fye out hole okulongelwa nande inatu djako shili ndele ngeenge otwa mono oikulya katu hole vali okupa vakwetu nonande navo ovena ngo omadimo ngaashi fye. Namibia oshilongo shina ouyamba ashike fiyo opapa ouyamba washo ongheengo tau monika kwaava veli komesho.

Ombili ngo nando, kamu hole oshili taipopiwa osho omitima deni otadi tuna mwafa onye tamu popiwa, ashike omulishi ava hamu longo oilonga yatya ngaho, ashike ei ngo yati kwai kwai oyo ngo dengwa.

Ngeenge efimbo limwe andi mu lombwele haiti, moshilongo shetu ou wa hepa hepelela, mutu ohamu kala tamu ti kaimba ohai te eengano, ashike ondishishhi kutya eengano ihanditewa omutenya.

Elalakano lange ondimu patulule nye mu patuluke ndele tamu pashula omesho eni mu tale ovaNamibia vakweni eshi tava tulako eengalo po kapena ovadanishi. Takamisheni otamu katya ngo tuyeni aliko atile, nye muuye ngo mu kalele ofika ombila yange tamu xukula omahodi, ame opo onde ka tatula ne nale opo shaashi haame kalako.

Mo Namibia moovene omuna omayoka,ashike amwe ihaipweda pedu, mo navali omuyadi oosaatana ashike vamwe ava eeheli davo nge ino kotoka ito dimono, vati novalodi omongo veli ashike vamwe ihava piti ne oufiku, hano onda hala okutya moshilongo shetu omu, omuna ovakolonyeki.

Ashike kaveshi ne ovatilyane ngaashi mwakala mwakoneka nawa kutya ovatilyane ovo votete nge tashiya pokupika ovalaule, ndele ava ovayandji voilonga ve security, oshili naipopiwe utale omukwetifeko ovafyoona nai.

Oshili shili ee securty edi ngeenge ngo itamu di kwata nawa, oshili ame onda twa ondjodi de mu kwata nai nye muka mone ngo Kalunga akalako nonande omwene oha katuka nefimbo laye. Oilonga ei hailongwa kovanailonga ava oshili oyanyika oshiponga. Efimbo limwe nokuli ihava kala tava monika veli meameno efimbo limwe oto hange tava tutu noikefa yoimaliwa vo kavena oilwifwo, omanga ovalumenhu ovo haveya okunyekako oimaliwa komulungu wondjebo. Oshili ohava kala vahomata nokomayoo ndele keshe oshilwifo okuna kolutu laye, omanga eesecurity da homata oukende vomaadi okulispaita vati ogasa, hava ningile mutu eengangala opo deende tadi nyika nawa mokushuna kwado, oiyolifa shili omwenyo wa security wa nyanekwa kodalate.

Oshili oupyakadi uli meenyala deni omo vamwameme, okokutya nashiuye pauyelele kutya kamu hole okufuta ovanhu, ashike omwa hala okulongelwa oilonga yeni nawa, hano omolwashike mwe li ninga ovananeineya nge tashiya poimaliwa nokufuta ovanhu, po poilonga onawanawa ngo vakwetu?

Oshili omunhu to umbateke mukweni oikefa yoimailiwa nokuhondamena meesaifa deni ndele eshi ngo tashikeya popay ngeenge ohapeya mwa 7 oto kemupeifa mo 18 oshili efimbo limwe onye hamu ningi ovanailonga eembudi ngeenge kamushishi.

Omunailonga waKalunga ta longo oufiku nomutenya, ndele oshili eshi taka peya ngeenge owa shakene naye ndele totale koshipala shaeye ohashishiva ulupule kutya pamwe omunhu okwauda nande eenghali da yina, naimboli omunhu otadi pokakende, oshili ngaashi ashike ee security dihapu moNamibia,mopendjela yameekulu wange ei hamono, odilimo lu 6 inandili noma nokuli meekulu ohe shi dipaya emu dule, sho osho tashi ulike kutya ava inava talikako ongo ovanailonga nande efimbo limwe nokuli hava longo oilonga vedule novapolisi vamwe moshilongo.

Okutonga oshili nye ovayandji voilonga, efimbo limwe ohamukala mwahala okufipa ovanhu ohonde nonande ihamushi ulike, eshi ohashili ulike nale ku shoovene kutya nye ouyuki weni owa futama, oshili yopombada opo, nande ngeno aame ngo ou ndili apa, hailongele okaambani yatetekulu mumwaina nameme, ndele ohandiningi omafiku eli avali handilongo inandiya keumbo ye eshi tashi ke ya popay ta henu kange,shapo oumwainafana wetu naye opo ta uxulile opo.

Ee securiti dovakainhu handi nangala moilonga oule womafiku eli avali inadiya komaumbo do inadi lya omeya enya ihaa tongwa ndele oshili omunhu tambudaukile ngo ne afa edila talidudwa.Ayee kombinga yokufimaneka ovakainhu apa oshili omwadopa ovakainhu ovena oinima ihapu.
Onda hala yo okumu dimbulukifa kutya, vaholike ovanailonga vee securiti kavena ondjala yokudjala oikutu yousecuriti ndele ondjala vena oimaliwa noluhepo, nye tamu dimbuluka yo kutya, eshi hamukofa tamu mbonyoka nawa, omedina lovanailonga ava hava monika vafa vehena oshilonga onda koneka yo nawa kutya vamwe vomeesecuriti ovamana eeshikola davo dopombada, ndele monghalo noluhepo eli lili moshilongo shetu mwehena oilonga, ava natango ongheengo tava nangala tava lika keemwe omaufiku.

Onda tila osheshi ame mwene kandiwete ngeenge otamukayamo meulu , molwaashi omwelipunapaleka nomaliko tashi pitile meehonde dovanhu tava kwenene keemwenyo kamu kala ngo inamu hanga Kalunga a pata omivelo daye nye tamwaalukile ne kombada yedu oku mwakala tamu nyokoma ovanhu mwaninga ngo ne oilulu ta fufya ngo ne ovanhu omaufiku, efimbo lonale okwali handilipula nale haiti, omunhu ngeenge okuna oimaliwa ihapu, kaimba  omunhu okuna eendunge dihapu, mboli aayee shihapu puye opo, oumbudi oineya nokunyokoma ovanhu nokulundila wa vaka ilo inovaka oyo ashike oilonga yovayamba oyo.
shiwana pexulilo ondahala mukoneke oshitya ndi hole okushilongifa tashiti, vaNamibia amushe ondimu hole ashike oshili ame kandihole oinima ii ei hamu ningi.

*John ya Tuyeni, mrtuyeni76@gmail.com. Cell: 0812988549

 

LEAVE A REPLY

Please enter your comment!
Please enter your name here