Yakwatwa nomayego goondjamba

0
315

 

ONGWEDIVA-Aalumentu yaali ye pipi lyopokati oyeli konima yekumba sho ya kwata oshiwike sha ziko taya landitha omayego goondjamba.

Latoka Lukas omunamimvo 29 na Mweshihange Ismael omunamimvo 27 oyali ya dhitikwa komiya dha shinana sho anuwa ya landitha ku gumwe gomaapolisi mboka haya longo meholamo.

Aalumentu mbaka oyali ya kwatwa oshiwike sha ziko nokuholoka mompangu ya mangistrata mEenhana moka yali inaa ya pewa uuthemba wokwiifutilamo nompangu yawo oya undulilwa komeho omanga omakonaakono gopolisi moshinima shika taga tsikile.

Okwa hokololwa kutya aalumentu mbaka oya adhika niinima yaza kiiyamakuti mbyoka ya gamenwa yo oya adhika woo niinima yimwe mbyoka tayi fekelwa ya yakwa momudhingoloko moka.

Lukas okwa valelwa momukunda Ekamba moshitopolwa sha Shana omanga Ismael a valelwa komukunda gwedhina Eenhika moshikandjohogololo shEenhana moshitopolwa shaHangwena.

Uuyelele mbuka owali kolekwa komupoliko gwopolisi moHangwena Seargent Kuume Iitumba.

Owa li woo wa kolekwa ku Kommissoina Willem Peter ngoka oye ta ungauka naafekelwa mboka taya gumu iithitukuti mbyoka ya gamenwa moshitopolwa.

LEAVE A REPLY

Please enter your comment!
Please enter your name here