Allex na Shyer yapitiha omusholondondo gwoongalo dhawo

0
525

 

WINDHOEK – Iinima osho ye endele nawa aamati mbaka yaali, ha ya imbi oongalo oombwaanawa. Shika osha ningwa konima sho Allex na Shyer ya pititha omusholondondo gwoongalo dhawo pamwe gwedhina Through Thick and Thin.

Ya tseyika nawa mOnooli yoshilongo ongaakwana yaali moongalo, Mateus ‘Allex’ Ekongo naHamutenya ‘Shyer’ Tomas, ya tseyika nawa Allex na Shyer, mboka ya valwa oomvula 25 dhakapita mOnooli oya holola enyanyu lyawo sho ya pitiko ishewe noalubuma yawo yotango, ndjoka ompempee  natango, no ta yi inyenge nawa moshilongo ashihe.

Gumwe gwomaa imbi mbaka, Allex, okwa ti yo oya luku oalubuma yawo Through Thick and Thin,  molwasho oya kala pamwe ethimbo,  nokutota po omayimbilo gawo ethimbo nosho woo oondjila adhihe dha enda oku shi enditha nawa mehangan lyoongalo. “Otwa kala ookume  kashili, okuza kuunona wetu sho tatu totopo omayimbilo getu, na inatu nongela naana uudhigu ngele tashiya puukuume ketu oku etapo oalubuma ndjika,” Allex ta ti ngaaka.

Moalubuma otamu adhika ngaashi eimbilo ndyoka lili ponomola yotango lyalukilwa oalubuma. Eimbilo ndika otali tungu notali longo aantu opo yakale ookume kashili, muupyu nomuutalala.

Otamu adhika ishewe eyimbilo ndyoka lyoHouse Music lyedhina Zoom Africa, moka aakwana mboka taya kwathelwa kuNaomi. Meimbilo muka aamati ota ya imbi nokulonga nkene aahikingalo aAfrika ye na oku eta oongalo dhawo pamwe.

Beautiful Girl, ongalo ndjoka yOndombolo tayi popi uukadhona mboka uuwanawa nkene hawu ihumbata.  Ongalo Yolanda, ndjoka yili ponomola yahugunina ota ya kwathelwa kuMushe. Ongalo ndjika ya hokiwa kaapulakeni  ota yi popi nkene omuntu gwomulumentu ena oku oku kala nomukiintu gwe. Konyala oalubuma ayihe oyina omaimbilo omawaanawa no itayi ku thigi nezaza.

Allex na Shyer aalumentu mbaka oya tamekele oongalo dhawo mo-2010 sho ye ya moVenduka..

LEAVE A REPLY

Please enter your comment!
Please enter your name here