Eebashu nhee da langatapo komundilo

0
533

 

Lüderitz – Eefamili dili nhee oda fyaala pongalala konima eshi eebashu adishe dili nhee molukanda lo New Locatio (Amilema) mo Lüderitz da halakanifwapo komundilo oufiku wEtitano la dyako.

Otaku hokololwa kutya omundilo owa hovela mobashu imwe, omo okanona kokamati kee dula 8 ka tema  oshiketifa kolusheno shina omeva ma nini , koo taka i ku va kwao poushiinda .

Okaana kapwila moudano na vakwao , yee mwene wobashu okwa hangika eli kongeleka, ekopi olo ola topa nomundilo owa kwata obashu no wa endelela okukwa ta yoo eebashu dili nhatu dopoudhiinda, omo omaliko aeshe ahalakanifilwamo sheke.

Heita Shilongo, oo mobashu yaye mwa dja omundilo ota hokolola kutya okwa xupapo ashike noikutu yaye ei yahangwa kolutu, okwa hangika eli kongeleka efimbo oshiponga shaholoka.

Shilongo ta tumbula kutya okanona oko ka etifa oshiponga shomundilo okwe kaafilwa ashike kovakulunhu vako eshi vaya manga mefudo omolwa eefaablika omo hava longo dapata manga omwedi aushe waKotoba.

Shilongo otahokolola kutya yee omu nangeshefa ha landifa oikutu neenghaku oyo aishe ya pyapo filu komundilo.

Maria Kristof, umwe oo naye obashu yaye ya pyapo filu ota tumbula kutya okwa kaninfilamo shihapu. Kristof naye okuli omunangeshefa, ha hondjele po Waterfront modoolopa ya Lüderitz, ota tumbula kutya omashina aye okuhondja aeshe eli a tanho okwapila mombashu, opamwe nomaliko aye aeshe noipumbiwa yomeumbo.

Eebashu odili unene mumwe, nomundilo eshi wa hovela owa kwata diva eebashu dopopepi, nakadimamundilo eshi ekeuya okukwafela , omaliko okwa halakanifwapo nale komundilo, onghene ina va dula okuxupifa sha.

Kapena ou aehamekwa komundilo ou ndele omaliko oo ayeke  ahalakanifwapo sheke.

Pehovelo la Juli neudo molukanda olo tuu olo la Amilema omwapile natango eebashu dili nee poshikando, omo yoo omaliko aeshe ahalakanifwapo komundilo.

LEAVE A REPLY

Please enter your comment!
Please enter your name here