Enzuna Rachel olyuuka koChina

0
530

Okakadhona hoka kena ondjelo ombwaanawa kedhina Rachel Mengela ota ka ka ulika uunongo wa ko wo ku enda moShangai shaChina, oshiwike tashiya. Omutoolinkundana Pinehas Nakaziko osho ta hokolola.

Rachel ota ka kutha ombinga methigathano ndyoka lyaakadhona dhingi lyedhina Miss Tourism Queen International 2015, okuza mEtitatu sigo omomasiku 11 ga Noveemba nuumvo.

Okwa holola enyanyu lye sho ali a hogololwa oye a kale omukalelipo gwa Namibia methigano ndika. “Okuhogololwa moshinima shika osho shimwe shasimana, nondi uvite kutya otashi katula oshitalenti shandje pamuthika gwopombanda,” Rachel ta ti ngaaka.

Rachel ngoka ena oomvula omi-25, nokwa valelwa mOnamutayi mOngwediva oku hole okudaanisa noku imba, nokuli ha topola  omayele omawanawa omayele naagundjuka ooyakwawo.

Rachel okwa tegelelwa aka kale aya methigathano naakadhona mboka ye li 92, mokukondjela oshikoloni shika. Ota holola ta ti ye okuna omukumo kuye mwene ye ishewe ina tila oku kutha ombinga nande omethigathano ndika, nokuna etegameno oku eta oshikoloni kegumbo.

Shika otashi ka kala oshikando shotango Rachel ta ka kutha ombinga methigathano ndika “Kehe gumwe okuna uutamekelo we. Ngame onda hogolola okutameka oshitalenti shandje pamuthika gwopombanda opo ndi tale mpoka nda thikama,” Rachel ta ti ngaaka.

Miss Tourism Queen International oshinyangadhalwa shoka sha tamekele momumvo gwo 2004 moHangzhou, China. Okuza omvula ndjoka Namibia okwa kala ha kalelwapo komanzuna ogendji, na Rachel ota ti okwa hala oku fala omuthigululwakalo nguka komeho, oshoka oshinima shasimana noonkondo.

LEAVE A REPLY

Please enter your comment!
Please enter your name here