Matroos otati po xwepo

0
422

 

Lüderitz – Etando olo la ningilwa Embrencia  Matroos omunamido omi-45 womodoolopa yaLindili ola enda nawa. Etando eli la kwata eevili nhatu, la ningilwa moshipangelo shaKatoolika KaRoma momafiku 9 ohani ei okwa hokololwa la enda nawa.

Paendjovo daMatroos eendohotola oda tamekele netando potundi 15h00 fiyo 18h00.

Dr Koepp oo emu tanda okwe mu lombwela kutya okwe mu kufa oshi tumba shounene ufike peke, nokwe mu lombwela kutya omwa shaala natango oshitumbuka shikwao osho itaa dulu oku shikufamo mefimbo lopaife shaashi otashi dulika oshipala shaye shininge elambo, onghene okwa pewa ashike omafiku opo aka shune ku Ndokotola yee aka tale kutya oshike vali shina okuningwapo.

Matroos okwa alukila keumbo noshipala otashi uleke lela elunduluko, nokwa pandula unene kwaasho a ningilwa kelelo lodoolopa oshoyo kovakalimo vomo doolopa ya Lüderitz.

Omunamido 45 Embrencia Matroos omukalimo wo mo Lüderitz oo a kala ena oshitumbuka shili moshipala, osho sha enda tashikulu fiyo ye  ta tameke oku kala ha holeke oshipala shaye. Oshitumbuka eshi osha li moshipala sha kwata neyulu, no kwa li a  hokolola kutya osha kala nouyehame, nomafimbo amwe ka li ha dulu okufuda nokwa kala ashike ha fudile kokanya.

Ovakalimo vamwepo modoolopa eshi va didilika odula yadjako kutya Matroos okwa pumbwa ekwafelo ove li unganeka  veli vaya kuye, noku  mu ningila exungomwenyo olo ye a tumbula kutya ole mu vatela neenghono. Ova tumbula yoo kutya ovahala ve mu vatele opo vakonge omakwafelo, va tale ngee oshipala shaye ota shidulu oku alulilwa kouwa.

Payambidido lovakainhu ava Matroos okwa ile koshipangelo ko Windhoek odula yadjako, fiyo odula yoneudo. Ndokotola okwe mu lombwela kutya ota dulu okumu tanda opo adule oku xwepopeka ondjelo yaye, kondado yoshimaliwa shifike

N$60 000. Netando olo ole li la ningilwe mo mafiku 09 Kotoba neudo no la endele nawa.

Elelo lodoolopa ya Lüderitz okupitila moshikefa sho Mayoral Fund ovakwafela Matroos oshimaliwa shifike N$83 000, oshi sha  kwafela metanda oshoyo meemhumbwe adishe doshipangelo.

 

LEAVE A REPLY

Please enter your comment!
Please enter your name here