Namibia na Finland oya kwatathana nawa

0
480

 

OLUKONDA – Omukalelipo shilongo gwaFinland moNamibia Anne Saloranta okwati sigo oompaka Namibia na Finland oyena ekwatathano ewaanawa no tali hokitha okuza tuu moomvula dhonale nale. Saloranta okwa li a popi ndhika oshiwike shaziko pOlukonda.

Saloranta okwa ti ekwatathano ndika olyali lya kolo konima sho aatumwa aaSoomi yali ye  ya moNamibia nokuthikitha evaangeli koombinga noombinga. “ Iilongo oyindji muuyuni ka yi na ombili, na oya topoka.Oku tala konakuziwa ekwatathano lyetu olya kala lili nawa nosigo oompaka otali nyanyudha omuntu oku tala koomvula 140 hoka twa panga uukuume naNamibia,” Saloranta ta ti ngaaka.

Ta ti epangelo lya Finland olyi ilongekidha okugandja omakwatho kuNamibia ethimbo kehe, ta gwedhapo kutya iilongo mbika iyali (Finland naNamibia) otayi longo muukumwe opo ya humithekomeho oonkalo dhaakwashigwana yawo yo ya kwashilipaleke aluhe kutya oyena uukuumwe wa tsa kesipa.

“Ekwatahano lyetu otali hokitha unene nolundji ohatu longele kumwe miinima ayihe ya pamba eyokomeho oshowo elongelokumwe, otwa kwatathana unene melongo oshowo miinima ayihe mbyoka ya pamba uunangeshefa nomithigululwakalo dhiilongo ayihe mbika,”   Saloranta ta ti.

Epangelo lya Finland moNamibia olya tala unene kombinga yiipambele yopamuthigululwakalo , mono taya ulike iinima yopamuthigululwakalo mbyono ya  kala hayi longithwa kookuku yonale oshowo omathano gaakulu yonale. Omukalelipo gwaFinland ta ti oshilongo shawo osha kwathela mokutotapo oongulu dhiiyulikwa yopethimbo lyonale mbyono ya pumbwa kutseyika kaanona mboka opo taya putuka.

Gamwe gomomahala ngoka geli mekwatelokomeho lyo Embasy ya Finland ongaashi oshikunino shomiti dhopaunshitwe shono opo sha patululilwe kuyele nuumvo. Oshikunino shika otashi adhika moshipangelo shaNandjokwe mono woo tamu adhika nongulu yiikulunima, oya kwatela komeho omuseum yaNakambale ta yi adhika mOlukonda na dhilwe.

Saloranta ta indile aaNamibia ya tsikile nokulongela kumwe paumwayinathana, yo ya longithe ompito kehe ta ya mono  ya talelepo gamwe gomomahala ngoka gena iilongomwa yopamuthigululwakalo  oshowo iindulukomwa naayihe ya hongwa kaantu yoyene. Ta indile aalongi poosikola ya kale noku fala aalongwa komahala ngoka, yo ya tseye onakuziwa yiilongo mbika iyali, nonkene yena oku kalekapo omithigululwakalo dhawo.

 

LEAVE A REPLY

Please enter your comment!
Please enter your name here