Namibia okuli komesho mokulwifa omalaria

0
311

OSHAKATI – Fiyo opapap Namibia okwa shunifa poshi oyoombo, nomafyo haa etwa komukifi womalaria.

Ouyelele owa yandjwa komukonaakoni woundjolowele moshikondo shouhaku moshitukulwa shaShana Lucia Nghishongwa, oshikonga shopombela nomuti woDDT shi li  metifa, sha tameka mo 28 Septeba, nota shi ka xula momafiku 30 Noveba, 2015.

Nghishongwa ota ti, Namibia oshimwe shomoilongo ine koumbuwanhu waAfrica shi li komesho mekandeko lomalaria. Namibia oku li komesho mefanekwafimbo la tulwa po 2017 ku shunifwe omalaria poshi neepelsenta donhumba. Malaria oha etwa komwe  anopheles ihai duma.

Omukwatelipo woundjolowele moshitukulwa shaShana okwa ti, 2014 ovanhu  vatano va fya komalaria, ofimbo 2013 komukifi wa lya ovanhu vane koitukulwa ine yokombinga ei. Omwaalu wovafi vamwe ova dja koipangelo imwe mwa kwatelwa novaAngola. Nghishongwa ta yelifa kutya, palombwelo loshikondo, ovapombeli ove na ku pombela ashike moitukulwa omo mwa dja ovanhu va kwatwa komalaria.Ta yelifa kutya,oidjemo yepombelo  monakudiwa oya shunifa poshi omivalu deenduda tadi pombelwa moshitukulwa shaShana di li pomayovi 69.

Nghishongwa a popya okudilila moshipangelo shaShakati ta holola kutya, neudo oshikondo otashi pombele eenduda omayovi 89 keembinga oko kwa dja va kwatwa komalaria. Ta weda po kutya odula ya dja ko ova li va faneka okupombela eenhele omayovi 130 oko kwa dja omahokololo oyoombo yomalaria. Efimbo lokupombela nale ola li eemwedi hamano, nola xupipikwa tete neemwedi ashike paife, ola xupipikwa fiyo eemwedi mbali adike. Omuti wokupombela eemwe oDDT ou na neenghono dokudipaa eemwe domalaria moule weemwedi  mbali konima yokupombela.

Nghishongwa ota ti, ombelewa yavo oya pewa  eenete dokulaamena di li 100 000 da dja koGlobal Fund noshikondo shoundjolowele okukondjifa omukifi womalaria ou tau mane po ovanhu. Oshitukulwa shaShana sha pewa eenete omayovi 100,  da tukaulilwa eembete momaumbo omeedoolopa Ongwediva, Oshakati  nOndangwa,. Petameko  lo2000 ovanhu ve dule pomayovi 300 ova kwatwa komalaria, nomuti woDDT owa popilwa kehangano loundjolowele mounyuni u longifwe mopombela yeemwe.

LEAVE A REPLY

Please enter your comment!
Please enter your name here