Oondjmbo pendiki lyaFranco Namibian Cultural Centre

0
381

 

WINDHOEK- Endiki lyomithigululwakalo lyoFranco Namibia (FNCC) otali ka kala nomainyanyudho guunkulungu wopandjimbo mEtitano ndika, ngoka ta ga ka ningwa kaahikingalo yongundu yedhina Savannah Afros.

Mbaka ota ya ka ulika uunkulungu wawo piilyatelo mbyoka tayi adhika po FNCC hayi ithanwa FNCC Terrace.

Ongundu yaahikingalo ndjika ya thikama maashangi yoondjimbo, maadhani yii yimbo oshowo aanandjungu monkalathano yomoVenduka oya tungapo  omukalo goku taambathana  noku longela kumwe naanamusika oshowo oonkulungu  ndhoka dhina ontseyo oshilongo ashihe , oshowo ndhoka dhomomaludhi galwe.

Omimvo dhapiti mbaka oya longele kumwe  noonkulungu dha yooloka moku kwata iiyimbo megumbo oshowo oku ka  imba naambaka kiilongo pondje ya Namibia.

Mboka taya ka holoka komauliko ngaka ongulohi yonena ota ya ka pulakena komadhengo nomawi giihikomwa ngaashi oongoma, mbira, okahumba niiketala sho mbika ta yi etapo etulomumwe lyoondjimbo dho Afro jazz, soul, pop nomusiki yopamuthigululwakalo, ndjika kwa tegelelwa yi kaleke aandanisi ye li koompadhi dhawo uusiku auhe.

Ongundu ndjika oya li ya pititha oalbuma ya yo yotango omathimbo omafupi gowala ga pitipo kohi yedhina Cheivhu tashi ti, osha za mevi ,ndjika oyo etulokumwe lyoongalo adhihe ndhoka mbaka ya hika noku imba , na otadhi hokolola shoka yiilongo monkalamwenyo shinasha nohole, olweendo lwonkalamwenyo paumwene, omakwatathano oshowo omasindano ngoka ya adha.

Uutekete okuyamo otau landwa oodola N$80 kuyele poFNCC nenge mEtitano pomweelo oodolaN$100.

LEAVE A REPLY

Please enter your comment!
Please enter your name here