Oshakati ya mono okapale koBeach Ball

0
338

 

OSHAKATI – Ethigathano lyuudhano woVolleyball ndyoka hali dhanenwa kominkulofuta lyamono onkalamwenyo ompe, konima sho ewiliko lyuudhano mbuka koNooli lyali lya etapo okapale kopamuthika mOshakati nokali ka ningilwa omalolelo ehuliloshiwike lyazako.

“Uudhano mbuka ohau dhanenwa pokapale kena evi olindji ngaashi naanaa ndyoka hali kala kooha dhominkulofuta onkene otwa li twa longo okapale haka sho twa li twe etamo evi okufaathanitha nonkalo yokefuta nando tse ka tuli kefuta,” Mwita Sikop omunashipundi guudhano mbuka koNooli ta ti.

Uudhano mbuka ohawu dhanwa kaadhani yeli yaali kombinga nethigathano olina oompango dhayooloka kashona kwaandhoka dhoVolleyball.

Aadhani mboka haya kutha ombinga moliha oyali ya ningi po uusipana wooyali muudhano mboka wali wa dhanwa muule wolyomakaya gazako.

Kakele koosipana dhaadhani aanene, uunona owali wo wa pewa ompito opo wu dhane uudhano mbuka oshikando shotango.

Sho Namibia eli ategelela etaalelopo lyaanambelewa okuza kongonga hangano yoVolleyball muuyuni okutala nkene uudhano mbuka ta wu humu komeho okapale haka ota ka kapa Namibia ethano ewaanawa.

Mwita okwa ti” ota ya ka kala noku eta uudhano mbuka koshigwana na oya tegelela aakalimo yokoNooli opo ya kuthe ko ompito ndjika nomake agehe yo yakuthe ombinga”.

LEAVE A REPLY

Please enter your comment!
Please enter your name here