Oshikonga oshitine shekondjifo lokankera

0
352

 

ONGWEADIVA – Oshipangelo shopaumwene shaMedipark mOngwediva moshitukulwa shaShana, osha unganeka vali efiku leikonaakonifo loshali kokankera.

Neudo, efiku lekonaakono lokankera yokomavele noshidalelo otali ningilwa ovakainhu oshali, koshipangelo shaEenhana moshitukulwa  shaHangwena mekwatelo komesho lomunyekadi mukulu woshilongo Penehupifo Pohamba ou a li omweenda a fimana poshivilo eshi odula ya dja ko.

Eshi ota shi kala oshikando oshitine oshipangelo shaMedipark tashi unganeke oshikonga eshi.

Ouyelele, kombinga yomalongekido aa owa yandjwa komukulunhu woshipangelo shopaumwene shaMedipark omundokotola Tshali Ithete.

Omwedi ou owokudimbuluka omukifi wokankera, onghee 30 la Kotoba, 2015 okudja potundi 08H00 -17H00, ola tofwamo li kale efiku leikonaakonifo loshali  komavele noPap Smear moshipangelo shepangelo mEenhana moshitukulwa shaHangwena. Otaku landula edimbuluko komudo mefiku laxuunina la Kotoba neudo tali tamekwa nosheendo  okudimbuluka ava va kumwa okuva kumika, osheendo tashi hovele pEenhana NHE Flats potundi onhi-07H00. Mefiku lekonaakono neudo ovakainhu aveke tava konaakonwa, nande ovalumenhu okudja peedula 45 navo va tuwa omukumo ve li konaakonife, efiku lekonaakono lavo otali ka shiivifwa komesho. Mokati kovanhu ve dule 300 va monika omukifi ou, 9 womuvo ovalumenhu va monika okankera yokevele.

Ndokotola Ithete okwa yelifa kutya, ovakainhu va kufwa oidalelo kavena omhito yokukwatwa kokankera koshivelo shoshidalelo, ndee otava dulu ku konaakonwa eekankera dimwe di li li.

Okwa weda po  kutya, oikonga yokuudifa ko oshiwana ya tameka 2012 moMedipark mOngwediva okwa konaakonwa ovakainhu ve dule po 400,  2013 ekonaakono ola ningilwa koNemanya kOngandjera moshitopolwa shaMusati la kwatela mo ovanhu ve li po-500 nodula ya dja ko ve fike po-500 ola longikidwa eshi kwa monika kutya,  vahapu  va kwatwa komukfi kave shi omadididliko opo va dule oku ya diva koshipangelo. Ithete ota ti, noneudo ovakainhu vomapipi a yooloka ova shivwa kekonaakono moshipangelo shepangelo shaEenhana. Onghatu oya kufwa okupashula oshiwana shi kotokele omukifi ou tau kombo po  vahapu mounyuni. Okwa didilikwa eekankera domaludi; yokomavele, yokoshivelo shoshidalelo  noyokoilyo oidalifi yovalumenhu odo da kwata omwaalu wa vahapu moshilongo.

Ndokotola Ithete okwa twa oshiwana omukumo okutameka oshivike  shomilongo 26 Kotoba, neudo shi djale oluvala loheva ilo oidjalomwa yoluvala la ukila ko. MuJuli 2014, omunyekadi  mukulu woshilongo Penehupifo Pohamba okwa, unganeka oshoongalele shovanyekadi moilongo yaAfrica sha li moWindhoek  omo yoo mwa li nomahangano a dja pondje yaAfrica, nosha eta oyiimati iwa melongelokumwe noshipangelo shaMedipark mokukaandeka eekankera domaludi.

Cancer-Ongwediva-Medipark cancer-3

LEAVE A REPLY

Please enter your comment!
Please enter your name here