Shuumbwa a geya sho a tidhwa moYoung Chiefs

0
1331

 

OSHAKATI – Nonando a kala nokudheula osipana yoYoung Chiefs uule womivo adhihe hamomano, nokwe yi kathele yi ye ko Premier League, Damian Shuumbwa anuwa okw lalekwa mo mosipana ndjoka nomukalo waana esimaneko, no ina pewa etombelo lya yela kutya omolwashike.

Sho a yi moonkundathana naKundana Shuumbwa okwa li a holola okuuva nayi kwe sho a ti okutidhwa kwe kakuna mutse nandungu, ta ti ye ina ninga tuu nando osha.

Okwa ti elelo lyosipana olyandopa okumu ithana komapulaapulo nenge lyimu ningile ompangu. Ta ti sigo opayife okwa tegelela elelo lyo Young Chiefs lyi mu pe ombaapila ndjoka tayi holola kutya iilonga ye mosipana moka oya thika pehulilo na omolwashike ya hulithwa po.

Ta ti okutidhwa kwe okwali ashike eku uvu pethimbo omunashipundi gwosipana ndjika Elago Amuthenu ali ta ningi omatseyitho kaadhani, moka wo a li eya lombwele kutya Shuumbwa oye mu kutha miilonga ongomupeha gomudheuli na ita kapewa nando oshinakugwanithwa shilwe mosipana.

“Osipana ndjika onde yi longela ethimbo ele netidhemo ndika otali lulumike unene na kandali ndeli tegelela oshoka ngame ondihole uudhano kakuna we,” Shuumbwa ta ti.

Onzo yili popepi noYoung Chiefs oya li ya lombwele Kundana kutya Daniel Ashipala ngoka a tseyika nawa Maldini okwali iikuthamo melelo lyosipana ndjika okuholola eyuvo lye lyonayi sho Shuumbwa a tidhwamo mosipana.

Onzo ndjika inayi hala edhina lyawo li tumbulwe oya ti Maldini okwa li uuvu nayi ketidho miilonga lyaShuumbwa ngoka a kala pomutima gosipana ndjika uunene tu sho osipana ndjika yali tayi shongola okuza koSecond Division sigo ya yi koPremier League. Daniel Ashipala kali ta vulu oku tyako sha koohapu ndhika na okwali etu lombwele tu konge omunashipundi gosipana, ashike oonkambadhala dhoku mona omunashipundi odhali dha adha okwena kwa hula.

Onzo ontiyali oyati “Shuumbwa okwali ena oku pewa oshinakugwanithwa shilwe mosipana oshoka ontseyo ye yosipana ndjika oyili pombanda noonkondo netidhomo lye otali vulu okweeta evundakano mosipana ndjika.”

Shuumbwa okwa ti ota ka tsikila noku yambidhidha osipana ndjika mpoka ta vulu nando okwa kuthwamo miilonga.

LEAVE A REPLY

Please enter your comment!
Please enter your name here