Smart Boxing Bonanza  oshikando oshitiyali

0
499

 

 

ONDANGWA –  Uudhano mboka wa kala wa tegelelwa koyendji monooli osho wa thigi aaholi yuudhano woongonyo taya yolele ketayego. Uudhano mbuno owali wa dhanwa oshikando oshitiyali ehuliloshiwike lya piti , wa dhanenwa mondoolopa yaNdangwa.

Shino oshali sha ningwa oshikando oshitiyali konima sho uudhano owo tuu mbuka wa li wa ningwa kuyele muMai nuumvo. Aadhengingonyo ya za  koombinga noombinga oya li ya kutha ombinga.

Uudhano mbuno owali wa kwatelwa komeho ko Far North Amateur Boxing Federation. Omunashipundi gwehangano ndika Josua Toivo okwa li eshi yelitha kutya uudhano mbuka owali wa longekidhwa nawa naanangeshefa unene yomonooli oyali ya holola eitulemo lyawo sho ya ningi opo shi vulike ya adhe esindano muudhano mbuka.

Toivo ta ti yamwe yomaanangeshefa mboka ya gandja omayambidhidho ongaashi Keneddy Nangolo mwene gongeshefa yaDNangolo, Akapandi, Mr Life, Dr Bandihu, Robby Amadhila, ta ti konyala aanangeshefa oyendji mboka ya gandja omakwatho.

Dhimwe dhomooclub ndhoka dhali dha kutha ombinga ongaashi Ours Gym Boxing Academy, Kilimanjaro boxing club,Micks Oshikango boxing club, Intelligence. Okakwa boxing oshowo Eenhana boxing club.

Esiku ndyoka okwali kuna omalugodhi geli omugoyi. Ayehe yali ya kutha ombinga muudhano mbuka oyali ya pewa oombandi dhiikushu oshowo dhoshisilveli.

Julius Sheefeni a za koKilimanjaro okwa li a dhengemo Michael T a zile kEenhana, Hafeni Ngesheya gokOshikango okwali a dhengemo David Tjavo gokOpuwo, Joseph Abel okwa dhengemo Victor Ndaluka gokEenhana.

Uudhano mboka owo wa li wesiku noyendji oyali ya halelela opo yu uve noku tala ngoka a sindana oshoka ka yali ya hala ya ka tye anuwa owali pokati ka Hedison Nghipondoka (Bulelo) na Ronaldo Pasquela. Bulelo okwali a dhengemo Pasquela.

Bulelo konima yolugodhi okwa li eshi holola kutya olugodhi lwawo na Paquela olwa li oludhigu noonkondo, nonande eshi pondola. Bulelo okwa tegelelwa a ka kuthe ombinga mu lumwe lomalugodhi ndoka talu ka kalako kehulilo lyomumvo. Aatali oyendji oyali ya holoka yo ya gandje kumike aadhengingonyo.

Ngono eli okandidate kongundu yoSwapo moshikandjohogololo shaNdangwa Elia Irimari okwa li a kumike ayehe ya kutha ombinga opo yi itulemo, yo mboka inaa ye shi pondola esiku ndyoka  yaa se uunye oshoka muudhano kehe ohamu kala ngoka a sindana naangoka a kana. Irimari ta pandula aanangeshefa ayehe mboka ya kwathele muudhano mbuka.

LEAVE A REPLY

Please enter your comment!
Please enter your name here