Uudhano gwoTafel Larger NFA gwa tseyithwa koNooli

0
376

 

ONGWEDIVA – Ehangano lyokatanga kokoompadhi moNamibia olya li lya adha esindano sho lya nyangele iitopolwa yokoNooli ethigathano ndyoka lya nuninwa ashike oosipana dhoka dha yambuka miitopolwa yazi noku tumbulwa kehangano lyoNamibia Breweries.

Ethigathano ndika olyali lya patululwa pambelewa etiyali lyazako komusamane Berry Rukoro, poshiithanene shoka shali poHotela ya Destiny mOngwediva.

Rukoro okwa ti NFA okuli a tala omeho kiitopolwa mbika ine yokoNooli oshoka oko ku noopelesenda odhindji dhaakalimo yaNamibia, onkene oyili ompito ombwaanawa opo ku kongwe  iitalenti mbyoka tayi vulu oku ya mosipana yopashigwana konakuyiwa.

Okwa ti ekopi ndika olili lya egulukila oosipana adhihe dhi moSecond Divisio noFirst Division mOshana , Omusati,Oshikoto nOhangwena.

Oosipana dhomiitopolwa yazi nokutumbulwa ota dhi kiikondjitha moka tamu kaza osipana ndjoka tayi ka kalelapo oshitopolwa kehe muudhano wahugunina.

Poshiithanene shika shali shanuninwa iikundaneki opwali wo pwa tokolwa kutya osipana ndjoka ya kalelapo Oshana otayi ka dhana naandjoka tayi kaza kOshikoto, omanga osipana ndjoka tayi kaza kOmusati ota yi kiikwata nOhangwena.

Poshiithanene opwali wo Ngoloneya goshitopolwa shaShana omusimanekwa Clemence Kashuupulwa, ngoka ali wo kumike aanyasha ya yambulepo uudhano moshilongo yo ya yande okukala yasimaneka uudhano waakwaniilongo mboka yeli kokule natse.

 

LEAVE A REPLY

Please enter your comment!
Please enter your name here