African Dream project oye oshiputudhilo dhingi nuumvo

0
315

 

ONGWEDIVA-Opoloyeka yomapendulepo guudhano woVolleyball oya li ya tothwamo ongopoloyeka dhingi momaudhano agehe hayi ngoko iitalenti yaanona moshilongo no ya sindanapo epapa ndika Etitano lyaziko pegandjo lyomapapa gomaudhano moshilongo lya MTC/NSC ndyoka lya ningililwe moshilandopangelo.

Opolohalama ndjoka yali ya totwa miitopolwa ya yooloka moshilongo oku longa uunona okuza pomimvo 7-15 uudhano wetanga lyokomake ota yi humu nawa komeho mokunyanyudha aaholi yomaudhano oyendji naashika oshe ya likolele epapa ongo oshiputudhilo shomaudhano dhingi shomumvo 2015.

Opoloyeka ndjika oya li ya sindanapo oshipandi shoo N$100,000 shoka sha pewa ongongahangano yuudhano woVolleyball moshilongo.

Omunashipundi guudhano mbuka koNooli Mwita Sikop okwa ti epapa ndika olye ya pethimbo ewaanawa unene tuu sho ya tegelela osheendo shaanambelewa mboka ta ya zi kongongahangano yuudhano mbuka mu Africa shoka sha tegelelwa shi ka thike moshilongo kuyele petameko lya Novomba, mboka ta ye ya oku taalelapo omandiki go Africa Dream project noku tala ngele ogeli tuu momilandu dha uthwa.

Opoloyeka ndjika oyi na omandiki geli gatano moshilongo miitopolwa ngaashi Oshana , Kavango,Erongo, Zambezi na Khomas.

LEAVE A REPLY

Please enter your comment!
Please enter your name here