Khuse FC ya kumagidhwa yi ihumbate nawa

0
358

 

OSHAKATI-Omunambelewa gwo NFA mOshana Sem Nekwaya okwa ti ombelewa yawo oya uvithwa na yi kosipana yaKhuse FC yomOshakati ndjoka ya li yi ihumbata na yi pethimbo ya li yi na uudhano wawo nOshakati United ehuliloshiwike lyazako.

“Osipana ndjika oyali ya kumitha oyendji sho aadhani ya li ya tameke okwiilwitha konima sho ya li ya kanitha uudhano wawo nOshakati United na oyali yeshiningi montaneho yaatali mboka yali ya holoka pokapale muudhano woliha yo Second Division’.

Nekwaya okwa ti oshinima shoka ya ninga ka sha li nando oshiwaananwa na ita shi ulike ethano ewaanawa ngele ota shiya kuudhano wetanga lyokoompadhi mOshana.

Okwa ti aadhani na ya ilonge okukandulapo omikundu dhawo pwaana omanyenyeto yo naya ilonge oku taambako edhengo mokapale oshoka olili oshitopolwa shomaudhano.

Okwa ti ombelewa yoNFA ita yi kathiga nando emanya lya londa kekwawo mokugandja oombedhi ku  kehe ngoka ta ka nyateka edhina lyomaudhano, na otaya ka katukila osipana ndjika onkatu opo ku keelelwe omikalo dha tya ngeyi monakuyiwa.

Oliha yo Second Division mOshana oyali yatameke konima yiiwike yontumba noosipana odha dhana nale omaudhano gatano kehe yimwe.

Oliha ndjika oyo ondjila yoosipana dha Shana okuya koPremier League okupitila moliha yo First Division.

Mpaka ota pu landula iizemo yehuuliloshiwike lyazako.

Olyomakaya

Foxy FC 1-0 Omeege United

Pescanova 1-2 African United

Onelago United 0-0 Poiso Arrows

 

Osoondaha

J.Aron 1-1Oshakati City

Khuse 0-0 Oshakati United

Africa Motor 1-1 Vietnam Rangers

LEAVE A REPLY

Please enter your comment!
Please enter your name here