Natango onghee ngaho taku fudulwa oitopifa

0
367

 

KAVANGO –Natango onghee tamu hangika eeboma noitandu ya kulupa ya fudama medu komikunda domoitukulwa ya li yolwoodi pefimbo lekondjelomanguluko laNamibia.

Ouyelele owa yandjwa komunambelewa wopolifi koshitukulwa shoku ungaunga neeboma, Omupedu Kommissiona, John Alweendo e li nosheendo shovanambelewa ve li molweendotalelepo moshitukulwa shaZambezi noitukulwa ya Kavango ohani ei.

Omupedu Kommissiona  Alweendo ta yelifa kutya, oshiponga shaxuuninwa  moshitukulwa shaZambezi osha ningilwe omudo 2009. Moule womafiku va endaenda nomikunda doshitukulwa, ova telulula mo eeboma 15 momikunda mwa li eekamba dovakwaita vaSouth Africa pefimbo loita poLiselo nopoTshantuu, ova pukulul’oshiwana shiha kwate oitopifa ndele shi I lopote kopolifi.

PoLiselo noTshantuu ope na omapya mawa nokulima omahangu nepungu, novalimimapya opo ova lopota luhapu oitopifa ya monika ya fudama.

Molwa omauyelele a yandjwa kovanailonga voshitauwa pokati kaNgoma naKaoko ,ve li twa oboma yo 90 mm oyo ya telululwa, opolifi oya hada yoo lwopomikunda Isize na Omega. Omunambelewa omukulunhu wopolifi okwa ti, ova pukulula oshiwana momikunda Mukwe, Dihokohoko, Tjikanduko, Ombabi, Mururani nomoRundu va kotokele oitopifa. Ta weda po kutya oshiponga shi nyanyalifa she lixulwa moitukulwa ivali yoKavango osha ningilwe omudo 2012 eshi ounona vavali va mona oiponga. Okwa pandula oshiwana eshi she lineekela moku  ipa ouyelele, nosha udaneka oku twikila nelongelokumwe.

Omupedu Kommissiona  Alweendo ota ti, ove na omukumo shaashi ovakwateli komesho voshiwana otava twikile ko nehongo kutya ino shi kwata shi lopota. Ta holola kutya moshitukulwa shaKavango otava longo noupu eshi omikunda tamu dumwa mwa fudama eeboma oda ama komukulambo womulonga nodilyaafane popepi.

Pefimbo lepukululo loshiwana otava tukula omafano mwa fanekwa eeboma domaludi notaa pashula oshiwana naavo vehe shii okulesha va koneke eeboma. Omupedu Kommissiona  Alweendo ta holola kutya, mokati kovamoni voiponga yeeboma 253 omu na ounona ovo inava uda nale etumwalaka lokuha kwata eeboma. Ovanhu 51 ova fya keeboma okudja koitukulwa ya yooloka moshilongo fiyo opapa.

LEAVE A REPLY

Please enter your comment!
Please enter your name here