Soeklam a pititha oalubuma ye ompe

0
309

 

WINDHOEK – Naftal Nakanduungile a tseyika woo nawa nedhina Soeklam osho amana okulongitha oalubua ye yotango ndjoka opo apititha oshiwike shika.

Oalubuma ye otayi ithanwa Commencement , na oyina ehwata lyoongalo omulongo nantano, konyala adhihe dholudhi lwoKwaito mono mwakwa telwa okasingle hoka opo apititha omasiku gaziko kedhina No More, eka imba nagumwe gwomaaimbi mboka ya sindana omapapa gopombanda moshilongo gwedhina Tequila osho wo Dearbon.

Uungalo wumwe tawu adhika moalubuma muka ongaashi ne Uushakashaka moka ta kwathelwa koFresh Family, Omashingo ta kwathelwa kOmusamane Niihana, Stoff, Dj Ndexland naDearbon.

Oalubuma yaSoeklam okwe yi ningila kostudio yaNdexland Production omanga iikwelengendji yuungalo wumwe wa ningwa kuKidd Ill naWyclip. Soeklam ota ti opo a pitithe oalubuma ye ndjika yi na omulyo gwoongalo oombwaanawa okwa kwathelwa noku yambidhidhwa kuMr Fransisco naTangeni Frans, pamwe nehangano lyoongalo lye yemwene lyedhina Comboza Entertainment.

Soeklam okuli omwiilongi moshiputudhilo shopombanda moHifikepunye Pohamba mOngwediva, nokuli metifa lyokulongekitha eyuliko lyoalubuma ye pambelewa muDesemba, moshitopolwa shawo Omuthiya oshowo mOngwediva. UuCd we otawu thiki mo momalAndithilo kehulilo lyaNovemba.

LEAVE A REPLY

Please enter your comment!
Please enter your name here