Takamitheni ne simanekeni eshito

0
579

 

OSHITAYI-Omukulupe yinakulu yomulumendu ngono a li a dhipagwa no kuthipwa ombinzi oshiwike sha zako okwali a kunkilile aaNamibia opo ya simaneke eshito.

Secilia Kavela ngono a li a hokolola a haluthwa keso lyomutekulu gwe okwa li iindile oshigwana shaa shundule eshito sho shi simaneke wo uuntu womuntu.

“Egalikano lyandye olyo owala ndyono twi indile komushitu e tu galule moonkalo ndhono dhiihanena oshilongo shi,” osho Kavela a ti shi a fatula kutya iinima yoludhi nduno inayi kalako muuyuni wonale.

Martin Nambala Namwandi omunamimvo 36 okwali a dhipagwa nokuthipwa ombinzi kuumwayina-gona etine lyoshiwike sha ziko poMakango mOshitayi.

Namwandi okwali iitsuwa a tsuwa nombele mekuvu, montulo kolumoho oshowo megundji lyokolumoho.

Namwandi okwiitsuwa woo e na iiyadhi mothingo mbyono opolisi tayi fekele kutya omutamanekwa okwali ta kambadhala okumukutula ominino.

Nakufekelwa omunamimvo 23 Julius Hafeni Nangolo gomoMakongo mOshitayi.

Pamahokololo gopolisi Nangolo okwali a hokolola kutya okwa lombwela kongeleka yimwe moSwakopmund opo a ka dhipage gumwe gomaakwanezimo ngele okwa hala okutota ongeshefa othemba.

Nangolo okwali eya kegumbo opo a gwanithe po shoka a lombwela.

Nangolo okwali a holoka mompangu mEtitano lyoshiwike sha ziko nokuli mondjeedhililo mOndangwa.

Kavela okwa hokolele oshifo shino kutya Namwandi okwali a zi megumbo metitatu pethimbo lyomwiha a ye puundunda wopumukunda gwawo.

Etango shi lya toko, aamati yomegumbo oyali yemupula opo ya shune pamwe kegumbo kakele okwali a holola kutya okuna iipatululo yo ndunda ya yinagona mpoka yali taanu.

Anuwa Nangolo naye okwali woo edhi yamukula kutya Namwandi itayi shaashi okuna iilonga a hala ya ka longe ko naye ongula yetine.

“Nani iilonga oyo mbyo, ohaluka wala onkundana yomuntu a dhipagwa,” Kavela ta hokolola.

LEAVE A REPLY

Please enter your comment!
Please enter your name here