Ya dhana oshituthi shoWindhoek Jazz Festival

0
294

 

WINDHOEK-AaNamibia omayovi ogendji osho yadhana oshituthi shawo shoWindhoek Jazz Festival olyOmakaya yaziko pokapale koRugby kaHage Geingob, pamwe naahikingalo yoongalo dho Jazz.

Osituthi shika oshali sha ende nawa sho aaholi yoongalo ndhika yali ya pewa mo kashona kaahikingalo yopondje nomeni lyoshilongo. Nuumvo omuhikingalo omuSouth Africa, Jonathan Butler oye ali omuhiwa a simana oshowo omuhikingalo omunene pethimbo lyoshituthi shika.

Oondigolo dhenyanyu okuza kaakwashigwana odhali dha uvika okuziilila kokapale haka kaakalimo mboka yali ya holoka oku tala nokupulakena aahiki  yoongalo dhawo. Oshituthi shika oshali shalongekidhwa nawa noonkondo adhihe nokapwali nande omapiyagano gasha.

Oku ulika uunongo we tango omuhikingalo ngoka Sean K oye  ali apatulula oStage noku imba dhimwe dhomoongalo dhe ngaashi  Smiling na Dream. Dixon naye okwali anyanyudha engathithi ndyoka sho ali a imbimo manga mu dhe ndhoka oompe noonkulu. Ongundu ndjoka yo Fu Jazz Band, nayo oyali  yi ikutha kohi, nonando gumwepo gwomongundu yawo ngoka ha hiki okahumba okwa li amana oondjenda omasiku hamale ga piti, ongundu oyali yemudhimbulukwa.

Zenzo pamwe nongundu ye naye okwali ishewe ya mono oondigolo odhindji sho yali ya gandjamo shoka shali mombago yawo. Omuimbi omuSouth Africa, Jonathan Butler, ngoka nokuli ali ategelelwa koyendji oye ali eshi enditha nawa sho manga ali ahiki uuhumba noshiketala, dhuungalo mboka ali a imbi oomvula 40 dha pitipo, omanga inaa mu kwatelwa uungalo we mboka uupe wopambepo.

Konyala oshituthi ashihe osha endele nawa no inapu lopotelwa nando iiponga nenge iiningwanima iiwiinayi.

Jazz-2 Jazz-3

LEAVE A REPLY

Please enter your comment!
Please enter your name here