Ya thigwa pomutenya koshikungulu

0
450

 

ONANDJAMBA-Ombepo yoshikungulu ndjoka yali ya holoka kiitopolwa yoNooli oshiwike shazako oya li ya pepepo egumbo lya kuku Eveline Hishekwa noku yonagula omagumbo galwe mOnandjamba moshitopolwa sha Musati.

Maria Mumbala omwanakadhona gwa kuku Eveline okwa ti oondunda dhili ntano dhomegumbo lyawo odhali dha hanagulwapo koshikungulu shika nokuthiga aanegumbo monkalakatenya kaa ye na mpo taya lala mwakwatelwa kuku Eveline ngoka eli ihaa vulu okwiinyenga nawa molwuuvu wombanda.

“Eyonagulo ndyoka lya ningwa koshikungulu shika enene noonkondo na itatu vulu okuninga sha pwaana ekwatho lyoshigwana oshoka katuna iiyemo yothaathaa”, Maria ta ti.

Onkene ota indile kehe ngoka ta vulu oku ya kwathela opo ya tungulule egumbo lyawo eya kwathele naashoka yenapo.

“Ngashiingeyi otwa hupapo ashike nondunda yimwe moka omo hatulala atuhe mo omo wo twa tula iiyuma na oshili sha nayipika onkalo megumbo lyetu” , Maria ta tsikileko.

Okwati oshikungulu oshali oshidhigu shoka inaa mona nando onale monkalamwenyo ye.

Kansela goshitopolwa shaKalongo, Elizabeth Mwanyangapo okwa li wo a koleke eyonagulepo lyegumbo lyakuku Eveline ta ti “Uuyelele mbuka sho wali wa thiki pombelewa yetu otwali twa tondokele kegumbo ndika no twa li twa mono shili nkene lyali lya ningilwa eyonagulo koshikungulu shika”.

Okwa ti ombelewa oyi ipyakidhila noku konga omakwatho mpaka naampeyaka ashike natango inayi mona  sha shomupondo onkene ota indile wo aantu koombinga noombinga opo ya kwathele egumbo ndika.

Okwa holola wo kutya egumbo lya tatekulu Elenga lyaKalongo Matias Walaula nalyo olyali lya ningilwa eyonagulo koshikungulu  opamwe wo nomagumbo galwe momudhingoloko gwOnandjamba.

storm-1

LEAVE A REPLY

Please enter your comment!
Please enter your name here