A ekelehi ohanona yiiwike itatu

0
316

 

ONGWEDIVA-Opolisi yomoshitopolwa shaMusati otayi indile nesimaneko enene opo kehe ngoka ena uuyelele kombinga yomukiintu a li ena epunda ndele kena okanona a kale a gandja uuyelele mbuka ku yo mbala.

Opolisi oya indile ekwatho ndika konima sho kwi itsuwa omudhimba gwomunona uumbilwa metale.

Omupopiliko gwopolisi mOmusati, Liinekela Shikongo okwa ti kutya mOsoondaha omukwashigwana gumwe okwa li a haluthwa sho i itsu ohanona ya kangawala kombanda yomeya  omanga a li ta hugile oongombe dhe.

Ohanona ndjika ota yi tengenekwa yi na iiwike itatu oshoka aniwa okaankoga kayo pekuvu oka adhika ka tokoka po.

Shikongo okwa ti oshiningwanima shika oshaningilwa mOntanda yIithete mUukwaluudhi moshikandjohogololo shaTsandi.

Okwa ti yo ka ye shi naanaa kutya okanona haka oka umbilwa mo uunake ashike ota ya tengeneke kutya okena oku kala kuumbilwa mo kaantu yopomudhingoloko mpoka.

Shikongo okwa indile aantu yomomikunda tadhi landula ya kwathele opolisi opo yi mone omuntu nguka oshoka okweekelahi uunona okwa indjipala noonkondo.

Omikunda moka opolisi ya indile mu yi zile uuyelele ongaashi, Ontanda, Omugulugombashe, Oshipeto , Oshilemba, Okaandi. Onguludhiya noshowo Omankono.

“Aantu ngashingeyi olundji ohaya ekelehi uunona unene ngele oya mono iilonga yontumba oshoka ina ya hala oku longa ye na uunona.Onda hala aagandji yiilonga na yo woo ya kale yeli uupathi naantu mboka taya pe iilonga,” Shikongo a ti ngaaka.

Shikongo okwa tsikileko ta ti ngele aakwashigwana otaya longele kumwe nopolisi nena aalongi yiimbuluma ota ya ka kwatwa nuupu noshowo mbala kopolisi.

 

 

 

 

LEAVE A REPLY

Please enter your comment!
Please enter your name here