Lion’s Club a gandja omagano

0
318

 

TSUMEB – Lion’s Club yomoTsumeb ehulilo shiwike lya piti oyali ya gandja omagano ku yamwe yomaawiliki melelo lyasShikoto. Omupevi presidende gwehangano ndika moTsumeb Nico Kaiyamo oye ali a gandja omagano ngaka.

Kaiyamo okwali a yelitha kutya Lion’s club yawo yomoTsumeb oya totelwapo nelalakano okukwathela oshigwana oshowo okukandulapo oompumbwe dhawo unene mpoka taya vulu. “ Ohatu gandja unene omakwatho nomayambidhidho koosikola ,otwa kwathelwa woo negumbo lyaakulupe mondoolopa ya Tsumeb nokoNomtsoub, ohatu kwathele aanona yaayelele naamboka yeli moofaalama moku ya telekela iikulya noya kwathela oosikola yi mone olusheno, noku tungilwa oonguluskola dhili pomuthika omwaanawa noshowo SPCA, ” Kaiyamo ta ti ngaaka.

Lion’s Club Tsumeb ayihe mbino oheyi pondola melongelokumwe nomahangano ngaashi Tulimevava Fishing, Dundee Precious Metal,Ludwighaven School. Omupevi presidende esiku ndyoka okwa li a gandja omagano kuNgoloneya gwaShikoto Henock Kankoshi ,  sho a pewa omagadhi gomomutenya ngono haga longithwa unene komathithi/ ku kehe ngoka ena uulema woshipa oshowo uutemba wiilema wuli uyali.   Omagano ngano Kaiyamo okwa ti Ngoloneya oye mwene na tale kutya ote ga gandja kulye.

Ombelewa yoshikandjohogolo sha Tsumeb mewiliko lya kansela  Lebbius Tangeni Tobias oya pewa uutemba wuli uheyali (7), Meya Ndangi Sheetekele okwa pewa oshipundi, SPCA oya pewa oshimaliwa shooN$2000, Ehangano lyoCancer moTsumeb olya pewa N$2000  noshipakete shomagadhi,oshowo osikola yaTsumeb Secondary School ya pewa oshimaliwa shooN$30 000 shoku opalekululitha nokulongulula omatungo goskola ngoka ga kulupa noga pumbwa oku longululwa.

Kaiyamo okwa holola kutya yo elalakano lyawo okugandja , no osho taya gandja unene moshigwana shoka hashi ya kwatha unene. Ta gwedhapo kutya oyena elalakano opo ya adhe okakololo kehe unene mpoka puna aantu taya mono iihuna yo ya gandje omakwatho.

Lion's-Club2 Lion's-Club

LEAVE A REPLY

Please enter your comment!
Please enter your name here