Oikonga yaSwapo ya tameka

0
346

 

ONDANGWA – Ongudu yoSwapo oya tameka noikonga yomaudife ko okuya momahoololo omalelo opaitukulwa nomaumbo ta aka ningwa moshilongo ashishe Noveba 27, 2015 okudja Kotoba 31, 2015  ovanani vongudu  ve lile po oitukulwa ya yooloka va tameka noyoongalele moitukulwa.

Modoolopa yaNdangwa moshitukulwa shaShana, oministeli yoshikondo shomapangelo oitukulwa nomalelo eedoolopa Sofia Shaningwa i lile po oshitukulwa Oshana, oya kumaida ovaleli va kale nelalakano lokupangela nawa pamukalo tau yambidida epangelo la tula po omashikulafano oshilongo. Shaningwa, owa kunghilila ovaleli voshiwana veendodo da yooloka va yelifile oshiwana komafaneko epangelo. Limwe lomuo okufutila ovalihongi keeUniversity, efaneko lokuwedela opendjela yovakulupe N$ 200 okudja momudo tau ya.

Oshiwana nashi udifwe ko owii woukwamuhoko, shi kale nomhepo youkumwe nokuxulifa po okatongotongo. Okwa kumaida ovaleli va yandje ouyelele koshiwana nghee hashi ende keyandjo lomayakulo omaludi edu, olusheno, mwa kwatelwa olusheno lwetango, omeva, meedoolopa nokomikunda, oshiwana shi udifwe ko kutya omolwashike shina okufuta oifendela kepangelo. Shaningwa ta kumaida oshiwana shi kwatele po ombili eliko la pumba tali mhele kumwe omapipi okomongula.

Mokati koikandjohoololo 12, yoshitukulwa shaHangwena shi lilwe po koministeli yoshikondo shoilonga novanailonga Erkki Nghimtina, omu na oshikandjohoololo shaPembe itamu ningwa omahoololo sha xupifa yoo needjo depangelo.  Oministeli oya ulikila oshiwana ovaleli tava kufa ombinga mefiyafano lomahoololo vakulu naavo vape. Nghimtina okwa twa omukumo ovaleli voshiwana moshitukulwa shaHangwena mu na eedoolopa mbali  dikulu Helao Nafidi, Eenhana kwa wedwa omukunda Okongo va kale ovalongeli voshiwana hava fiki koshiwana, nokutwala omaudjuu oshiwana kepangelo, ovawiliki va kale ve shii omitungilo depangelo  nokuyakula oshiwana neitule mo meemhumbwe dasho adishe oshoyo okutula moilonga ondugefaneko yongudu.

LEAVE A REPLY

Please enter your comment!
Please enter your name here