Okankera otai dulu ku kelelwa

0
330

 

EENHANA – Okankera otai dulu ku kelelwa ngeenge ovanhu otava li oikulya yopaushitwe inai lumbakanifwa noinima ya wedelwa oikwaudiyo. Nande eekankera di li omaludi, shama ashike ya monikila po manga inai halakana nolutu, otai dulu oku hakulwa. Omukifi wokankera ngaashi wa shiivika mounyuni aushe, nomoNamibia owa shiivika mo pamaludi yoshipa,  yokomavele, yokoilyo yoidalifi yovalumenhu, oyo hai ifanwa kaposi sarcoma, yokoshivelo shoshidalelo oshoyo ocancer yokendjadja lakula.

Oshitukulwa shi lile po 35% ohatu faula okulya oikulya yokwaamena okuha kwatwa komukifi.. nande okankera ohai dulu kukwata ovanhu aveshe, omakonaakono okwa koleka kutya ohai tandavelifwa ngaashi , koku lya ombelela itilyana luhapu, okunwa omakaya nomalodu nokeenhe detango.

Ondokotola yopaunamiti Naftali Hamata, pedimbuluko lokankera pEenhana moshitukulwa shaHangwena omwedi wa djako ,  oya yelifila oshiwana kutya, okankera ohai dulu ku kelelwa  a yandja omivalu dovakwatwa 2006 koilyo yoidalifi yovalumenhu 2006  125 ofimbo 2012 ovanhu 266, ofimbo 2012 ovalumenhu omuwoi va monika okankera yokevele, ovakainhu 234. Ta kumaida oshiwana kutya oipeta yoiimati omaAppel oi na oshilonga molutu, okulya eendadjo deengongo, oikwambidi yomaludi ngaashi; cabbage, cowly flower, spinach, omakunde, nepoke. Ta weda po kutya, nande keshe umwe okwa pumbwa oku lya oikulya yomaludi keshe efiku, ovalumenhu keshe efiku ova pumbwa okulya etama nekanuwa. Opo tu li kelele komukifi wokankera, otwa pumbwa oku lya oikulya yopaushitwe.

Omundokotola Hamata ta denge omufindo oshiwana shi efe okulya ombelela itilyana keshe, oikulya  ya telekwa momaufilla a nakwa, ya pwakulwa, omashini e lixwa po, oushi vowiinyo, oku lya omai a kangwa shi dule lutatu moshivike, oinyenyepeki yominghoka ya keshe efiku, okaofi. Ta weda po kutya keshe umwe kendabala oku lya oikulya iwa yopaushitwe inai wedwa sha, okunwa omeva eelitera mbali mefiku keshe opo oshipa shiha nganye. okwa  weda po kutya, eenghundafana nehangano loundjolowele mounyuni WHO, odi li metifa ku tamekwe netunhilo lokankera kounona oukadona pokati keedula omuwoifiyo 13, va tunhilwe kokankera yokoshidalelo nongee okaana oka pitilile peedula odo inaka tunhilwa, onghendabala keshe tai ka ningwa itai kwafa sha. Kakele eembuto dimwe hadi etwa kouVirus vanini ohadidulu ku tunhilwa, omolwaasho epangelo laNamibia la longekida etunhilo kounona manga inava wanifa eedula nhano. Okukala monghalamwenyo ili nawa ya filwa oshisho, oko yo okulaamena komukifi wokankera yoludi keshe.

Cancer1

 

LEAVE A REPLY

Please enter your comment!
Please enter your name here