Olyelye eshi Gotlieb Paulus?

0
740

 

OSHAKATI – Opolifi yoshitukulwa shaShana otai kongo ofamili yomunamido 34 Gotlieb Paulus Gotlieb oo a fya efo lombaadilila eshi a lyatelwa mopate yakula yopokati kOshakati nOngwediva oshivike sha djako.

Omulumenhu ou okwa lyatelwa keloli mEtitano ladjako sha ningilwa lwopofitola yoitungifi yedina Benz Building pOngwediva lyopotundi 12h00. Ouyelele ou owa kolekwa kukomanda womatanga opolifi yoshitukulwa Oshana kommissina Rauha Amwele.

Kommissina Amwele ta yelifa kutya, nakufya Gotlieb ou okwa mona oshiponga neenghono, eshi a lyatwa nokuxulifa pokafimbo opo. Omulumenhu ou kwa li a djala ekalanyana tai ulike a li moilonga, sha etifa opolifi i pulaapule peesasiona domanwefelo omahooli da yooloka momudingonoko okutala ngee opena ou e shii nakufya Gotlieb. Nonande okamutwe koshilongo oko ka hangwa kolutu la nakufya ota ka ulike kutya ye odalele yokomukunda Eeshoke, eenghendabala adishe dopolifi okumona ovapambele vaGotlieb oda xulila mounyengwi.  Onghee opolifi otai kongo ovakwapata va nakufya Gotlieb opo i ninge ekwatafano navo.

Kommissina Amwele ta kumaida ovalongifi vondjila  ngee ovashingi ile ovaendi vokolupadi novashingi veembasikela va kale va kotoka alushe okutala keembinga doshitauwa omanga inava tauluka oshitauwa.

LEAVE A REPLY

Please enter your comment!
Please enter your name here