Openzela yovakulupe otai wedelwa vali

0
389

 

EENHANA – Oo eli umwe womovaleli ovakulunhu mongudu yoSwapo Erkki Nghimtima okwa ti openzela yovakulupe ota i wedelwa vali no N$200 modula tai ya.

Nghimtina ou eli umwe womovaleli veli le po oshitukulwa shaHangwena edi okwedi popya omanga a li ta popifa oshoongalele shepatululo loikonga yomahoololo mEenhana.

Nghimtina oo eli yoo oMinista yOvanailonga, Onghalonawa mOilonga noshoyo Eetepo lEemhito dOilonga okwa ti Omupresidende Hage Heingob omafiku aa okwa shivifa kutya okutameka modula tai ya ovakulupe otava ka kala tava mono oshimaliwa shopenzela shifike poN$1200

Mopaife ovakulupe vaNamibia ohava mono oshimaliwa shopenzela shifike poN$1000, osho opo ashike va tameke okushi mona, konima eshi va li va wedelwa okudja po N$600, hano va wedelwa noN$400.

Nghimtina okwa ti epangelo loSwapo mekwatelokomesho lomupresidende Geingob olina oshiwana komutima.

Ta ti kakele kopenzela, epangelo ola fya oshisho opo oshiwana shikale shina eepate, oipangelo, noikulya yaavo tava xupu shokadila. Ta ti yoo elongo lounona vofikola nalo paife ola ninga loshali.

Minista ou okwa pula oshiwana opo shi twikile okuhoolola ongudu yoSwapo. Ta udaneke kutya ngeenge ongudu oya shunwa ko koshipundi oshiwana otashi ka kala tashi mono omauwa a yooloka oo taa ka kwatela mo exumokomesho loshilongo.

LEAVE A REPLY

Please enter your comment!
Please enter your name here