Otonamende yaanasikola U-15 mehuuliloshiwike ndika

0
305

 

ONDANGWA-Ethigathano ndyoka lyali lyatotwapo konyala omimvo mbali dhapiti natango oko lili nuumvo noosikola odha tegelelwa dhi tume oosipana dhawo dhaadhani yeli kohi yomimvo 15.

Omukwateli komeho guudhano mbuka John Martin okwa ti ohaya longekidha uudhano mbuka okulongekidhila uunona omakonaakono ngoka genako ashike iiwike yontumba. Oshoka oyuuvite kutya omaudhano ota ga vulu oku ndjangeka uuluwi nomadhilaadhilo guunona mboka wakala tawu longwa uule womumvo aguhe.

Okwa ti uudhano mbuka owa egulukila oosikola adhihe dhina oosipana dhaanona yeli kohi yomimvo 15.

Okwa ti osipana kehe yokatanga kokoompadhi otayi ki ishangitha noodola N$ 150, omanga oosipana dhokatanga komokambamba odha tegelelwa dhi ki ishangithe no N$ 100.

Osipana yotango ota yi ka toolapo okapandi koodola 350 , osipana ontiyali ota yi ka toolapo N$ 250, omanga osipana ontiyali ta yi ka hekelekwa nokapandi koodola 150.

Ehala lyotango kokatanga komokambamba otali ka mbendekwa N$ 300, omanga ontiyali ta yi ka pandulwa no N$ 200, naandjoka tayi keya pehala etitatu N$ 100.

Martin ngoka a tseyika nawa momaudhano nedhina Whiteman okwa ti omolwo ompumbwe yoshimaliwa naakwashilipaleki mboka taya kanda omapunya oondjambi odha nanga ashike okwa ti shika inashi teya oosikola omukumo oshoka sha simana hashimaliwa shoka ta ye ya okukondjela ashike esimano lyompito ndjoka ta ya pewa kuudhano mbuka opo ya ulike nokuyambulapo iitalenti yawo.

Uudhano otawu dhanenwa ongula pokapale kaShinime Shiivula mOndangwa.

Osikola yaShinime oyo yili enyakwa lyuudhano mbuka konima sho yali ya sindanapo uudhano mbuka omvula yazako.

LEAVE A REPLY

Please enter your comment!
Please enter your name here