Ovakwati vomaColofish (Crayfis) va anya oku shaina okondalka

0
322

 

Lüderitz – Ovakwati vo voludi loshi oyo ina ondilo o Crayfish, hano oma colofish  ovo  oshikako shavo shokukwata omaColofish shina ashike oule wee hanhi dili hamanho,  ova  anya oku shaina eekondalaka nova yandji vavo volilonga , opo vadule okuya mefuta va kakwate omaColofish, omanga oshikako ina shipwako.

Oovene veembautu doma Colofish vamwe po, modoolopa yaLüderitz ova kufilako Kundana ta vati, ovakwati vomaColofishi vamwepo, ova waimina mekangha olo la hovelele momafiku 29 October2015, omo ovanailonga vomefuta ta va pula eendjambi davo dinawapalekwe, nokufutwa yoo omalutaima eevili odo hava longo da pitilila mefuta.

Ekangha olikwetelwe komesho kehangano lo Mining Metal Maritime and Construction (MMMC), koshi yonduda hangano yo Namibia National Labour Organisation (Nanlo).

Omushingi woMbautu yomakolofish oo ina hala edina la ye litumbulwe, okwa holola elimbililo laye ta ti: “Fyee ehangano olo la tula ovanhu mekangha omo mwa kwatelwa novakwati vomakolofish katulishi.  Ovanailonga vokukwata oma kolofish oveli mehangano lo Namibian Food and Allied Workers Union (NAFAU).”

Ta twikile nokuyelifa kutya ovanailonga ava vokukwata omakolofish ina vaya kova yandji vavo voilonga ve va lombwele kutya voo ita va shaina okondalaka yokuya momeva, omanga shonhumba noshongadi ina shi wanifwapo.

Elimbililo olili nee opo kutya ovanailonga opamwe nova yandji vavo voilonga ova longekida nale oiyulifo yomakolofishi, naashi efimbo loku shaina eekondlaka la fika ovanailonga inava kovayandji vavo voilonga ovaya ashike ke kangha.

Oovene veembautu ovalanda nale oikulya yokuyulifa, neembautu oda nwefwa nale omahooli, noiyulifo oili nale komalwilo.

Ovanailonga vokukwata omakolofishi ovena ashike efimbo lo kukwata oma kolofish oshikako shoule weehanhi dili hamano, hashihovele mu 01 Novemba tashi xulu mu 30 Apilili. Okuhovela May omudo keshe ohava kala ashike veli momaumbo, ile veli pyakidila noilonga, imwe ilili.

Okuhovela mefiku 01 Novemba, ovena nee okushaina okondalaka youle weehani dili 6 no vayandji vavo voilonga, opo vadule okuka kwata oma kolofish omanga oshikako inashipwako.

Fiyo omo ma fiku eli 03 Novemba eembautu ashi ke dili mbali dokukwata omakolofish domeembautu 17 lwaapo odo daya mefuta. Meembautu omo mwakwatelwa eembautu dili 6 da Seaflower, nadikwao odo paumwene.

Ouyele oo wa etwa ku Kundana otau ti kutya eembautu odo daya mefuta odo paumwene, ka ku shiivike nee kutya ovanailonga novayandi voilonga ova udafana ngahelipi.

Omuunganeki woshitayi sha Lüderitz mehangano NAFAU olo lililepo ovanailonga ava Absalom Willem okwa koleka kutya naye ombelewa yaye oya kundana kutya eembautu dokukwata omakolofish dopaumwene dili mbali odaya nale mefuta, ashike ina va ninga ekwatafano nombelelwa yehangano olo livalilepo.

Willem okwa tumbula kutya ombelewa yo NAFAU oili yelipyakidila neenghundafana novanailonga vokukwata omakolofish vamwepo, ovo inava kufa ombinga mekangha, novena ehalo okuya moilonga omanga oshikako ina shipwako.

LEAVE A REPLY

Please enter your comment!
Please enter your name here