Peter Ondume yomomufitu: Okukengelelwa ku hailwa anuwa

0
562
Peter Jungle Fighter

 

Ekengelelo lyopomutenya kwaangoka ndali nda talako ongo hailwa olya tetula iilonga yandje yomeholamo, mbyoka ndali tandi longo nuukeka. Peter Michael ngoka eiyuvo lye ongo omukondjelimanguluko inee li longitha okulandula shoka a longwa olya hulithapo shoka ngame nda adhika nda thikameka, miilonga yandje yokudhikapo omatanga googuerrilla dhomiilando dha kola.

Sho kwa tameke taku luudha kandali we tandi vulu okumona pondje yokandunda okashona moka ndali. Aakwiita aaluudhe yatatu oye yamo. Gumwe gwaambaka okwa li Peter Michael. Nguka okwa popitha ndje kedhina omanga inaa indila ndje opo anuwa ndi longele kumwe naatondi yandje ngaashi ye eshi ningile sho a kwatwa opo ndi yande okumonithwa iihuna. Ye pamwe naakwiita mbeyaka yaali oya  li ya zala omizalo dhaakwiita yaSouth Africa,nonando yo kaya li ye na oondjembo ,kakele ngele shila pamwe mbaka oya li noombisitoli ye dhi holeka kohi yoohema dhawo.Okwa li ishewe a indile ndje opo ndi hulithepo okutinda kutya ngame omukwiita goSWAPO,a gwedhapo  kutya aatondi yandje oye na uuyelele auhe kombinga yiilonga yandje ayihe .

Onde mu tala noku mu konenena nda hala okutseya ngele pamwe okwa li ta hekele ndje moku zimina nenge pamwe ye okwa lunduluka thilu thilu noku dhimbwa shoka sha li she mu enditha oku ya moNamibia.

Nonando kandali ndishi kutya iinakugwanithwa ye moNamibia oya li ya shike omanga inaa kwatwa komutondi, otandi dhiladhila kutya iilonga ye oya li yafa ashike ngaashi mbyoka yandje.

Ngame sho nda li nda pewa iinakugwanithwa yandje onda li nda lombwelwa kutya ngele onandi ka gwile miikaha yomutondi, nandi gandje elongelokumwe lyopautaktika  shampa ashike itaandi holola uuyelele mboka wa simana itaawu vulu okugandjwa komutondi kombinga yiilonga yandje yomeholamo. Nopethimbo nda li nda gana kombinga yiilonga yandje onda li nduuvaneke kutya kandina esiku tandi ka gandja uuyelele kombinga yiilonga yandje.

Elombwelo limwe ndali ndapewa oondika kutya ngele onda kwatwa komutondi, ina shi pumbiwa okugalukila koAngola oshoka onda li nda pumbwa okulongela momatanga gomutondi. Sho Michael a indile ndje ndi longele kumwe niilumbu ,ondali nda kambadhala okulesha elaka noshowo einyengo lyolutu lwe okutala ngele nguka okwa li ta kambadhla okwiigamena nenge pamwe okwa li iitaalithwa kaawkiita yomutondi.Epulo ndika olya kala momutse gwandje.

Konima yokupopya na Michael omukwiita  gumwe gwokashendje lutu omule ye okwa nika uuhahu goshilumbu okwe ya monduda.”ou wete wi  ishi wa kotoka,wu tu vule atuhe .Ito vulu oku holama sigo aluhe  ngoye “oshikulo’. Etanga lyaSouth Africa olya kola lyo olina oonkondo lyo ishewe olyi ilongekidha okuhalakanithapo iikulo ayihe mbyoka hayi dhipaga aakwashigwana yaana ondjo’ Omutiligane nguka osho iigidha omanga ta kambadhala okuponda ndje pothingo. Ngame onda li nda yanda okumu tala momeho ga nika ombinzi. Nguka okwali kapitiya Du Plessis eya pamwe namukwawo miilonga yuudhudhu Kapitiya Chris Neels, ngoka nda ka uva konima kutya oye omukuluntu gwiilonga yomeholamo moombelewa oonene dhaakwiita mosektor 10.Neels ngoka ali ta holoka omwiimemehi no kwa li ondjendelemani , omathimbogamwe okwali owala a yi moonkundathana nangame paufupi.

Du Plessis okwa pula ndje ngele onda tsakaneka nando ogumwe gwaakwiita mbaka yatatu monkalamwenyo yandje. Inandi mu yamukula naashika oshe mu thiminike a kwate ndje momutse noonyala dhe oonene. Konima yokathimbo okwa pula Peter Michael a hokolele nkene ye eshi ndje, a hokolole kutya ongame lye, otwa tsakanena na ye peni, ngiika moNamibia onda li tandi kongo shike oshowo kutya aakwashigwana yangapi nda dhipaga sigo oompaka. Michael okwa hokolola kutya okwa tseya ndje  oshowo kutya ongame lye. Okwa hokolola mpoka twa tsakanena, a ti otwa tsakanena moLubango, oshowo kutya aakwashigwana ye thike peni ndina okukala nda dhipaga okuza kesiku ndyoka sigo onena.

Sho Michael a pulwa a popye kutya ngiika aakwashigwana yethike peni lwaampoka okwa ti ita vulu okushipopya oshoka okwa etha ndje nale moLubango. Kepulo kutya okukala kwandje moNamibia okwa shike okwa walyaeke kutya ngiika ngame onda li ondaadhi okundaadha iilonga yaakwiita ya South Africa. Okwa hokolola ndje kutya  ongame Peter Ekandjo, nda tseyika woo noshilukadhina  Small Boy, ngoka a dheulwa mo Moscow pamwe naye omumvo 1984 ongo omunambelewa a shewa nenge omunambelewa gwomeholamo.

Eyamukulo lya Michael kalya li lya nyanyudha omutiligane  ngoka a ulike a li a hala okuuva oshindji.Konima sho Michael a mana oku yamukula .

Omutokele nguka okwa pula ndje ndi koleke shoka sha popiwa ku Michael. Natango onde mu yamukula newi lya nkundipala kutya inandi mu tseya. Eyamukulo ndika olya ulumike omutiligane opo uundulile omutse gwandje pevi uule wokathimbo omanga inaa lombwela  aakwiita opo ya fale ndje pondje ya mangela omaako gandje konima oshowo  ya manga ndje komeho, nomagulu gandje geli momalyenge nonando onda li ngakaa  tandi vulu okukatuka  oonkatu oohupi.

Konima yokugaluka kwandje muupongekwa omumvo 1989 onda ka kundana kutya onda li nda falwa mehala lyondjedhililo yomeholamo yatseyika nedhina KGHOK MP, yi li ashike okanano okashona kowala muuzilo wombelewa oonene dho Sector 10.

Ndjika anuwa oya li okamba yiilonga yomonanguwi yaakwiiita mo haya edhilile aakwiita yoPLAN mboka ya talika ye shi oshindji opo ye ya pulapule.

Sho ndali nda talelepo okamba ndjoka omumvo 1995 oku ilonga nkene ya dhikwapo oshowo nkene ngame ndi iyaka mo mu yo oshikumithi momasiku 30 Kotoba 1986. Onda dhimbulula kutya aakwiita aananyanya yaanohenda oya li ya teyagulapo  uundunda auhe moka ya li haya  edhilile oonkwatwa dhoPLAN monkalo yaashi yopantu. Onde ke shi ndhindhilika kutya ehala ndika olya li oshitopolwa shokamba yoSector 10.Oshoka pokati kayo opwa li ashike pwa pita omutuni gwomavi.

Sho nda tsikile noku pula aaniilonga mboka ya li haya longele mokamba ndjika melongekidho lyokushanga embo ndika onda ka  kundana kutya aawiliki yondholongo ndjika oyo Kapitiya Chris Neels oshowo konima ondholongo oya ka wilikwa ku Kapitiya Du Plessis.

Iilonga ye oya li yoku pula oonkwatwa dhoPLAN.       Okwa li wo a tseyika omupanguli ano omweeti gwiihokolola.Ina dheulwa ongo omutseyiveta ndele uuna a pula okwa li a longitha oonkondo mokuninga ngaaka.

Pamwe naahepeki ooyakwawo yo Kapitiya Neel, Corporal Smith, Du Plessis okwa li a longo ngaashi a hala  mokuhepeka noku ehameka oonkwatwa  unene ndhoka dha li tadhi kondjitha omulandu gwokakombo noludhi gwepangelo lya South Africa .

LEAVE A REPLY

Please enter your comment!
Please enter your name here