Tswazis ota tseyitha oalubuma ontitatu

0
475

 

Windhoek -Ongundu ndjoka yoTswazis yi na aahikingalo yaali Eldazz naRaxia otayi ka ulika nokutseyitha oalubuma yawo  yedhina Go Getter ongulohi yEtitano ndika pokapale kEtanga komoKhomasdal.

Peuliko netseyitho ndika otapu kakala aahikingalo aaNamibia mboka yahiwa opo ya ka mwenyeke pamwe noTswaziz. Sally, Dixon, Kalux, Jericho, Desmond oyo omadhina omanene taga ka mwenyeka peuliko ndika, mwa kwatelwa aahikingalo ooyakwawo aashona.

Ongundu ota yi holola kutya yo oya tegelela engathithi lyaNamibia oyendji opo ya kale ya holoka, yo ya tale shoka ye ya nunina.

Oalubuma yawo ndjoka yi na oongalo 18, oTswazis oya kwathelwa ngaashi komuhikingalo omuZambia gwedhina Taz, aahikingalo aaNamibia ongaashi Jericho, Engelhardt, Jaliza, KK, Desmond, Brumelda naKalux.

Kombinga ya Eldazz yo , oya luku oalubuma yawo Go Getter molwonkatu mpoka yeli okuza koalubuma yawo yotango, shoka tashi ulike kutya oongalo dhawo odha thika pomuthika gwopombanda.

Oongalo odhindji tadhi adhika moalubuma muka ota dhi popi kombinga yiinima mbyoka tayi ningwa pethimbo lyonena, yo ota yi popi ishewe kombinga yawo yene, muudhigu mboka ye enda, naashoka ya taalela.

“Moalubuma muka omuna omatumwalaka ogendji taga longo oshigwana, go ishewe otaga tungu,” Eldazz ta ti ngaaka.

Uutekete woku pita posheelo owuna ashike oodola dhaNamibia N$ 80, noN$ 100 kaanamadhina. Omiyelo otadhi patuluka pontano yokomatango.

LEAVE A REPLY

Please enter your comment!
Please enter your name here