TUYENI KOLUPALE LA TUYENI: Oitenya inai pewa vali taikuta

0
425

 

 

Omulumenhu ngeenge ta kongo okakadona kokuhombola pefimbo lonale, okwali hashi kala shidjuu molwaashi ovalumenhu kava li hava kongo naana ngaashi sha hala omwenyo.

Ngeenge okwa li ha kapanga kohambo ndele vamwe vomovakulunhu vaye tava mono mboli kutya okwa kula, eshi tadi kohambo oko ota hange naana a kongelwapo ekadona. Elipanda ne ilo ine lipanda ou okuna okuningapo woye ashike molwaashi ekongo eli oladja kovakulunhu voye.
Ovakulunhu eshi okwali have shiningile netomelo kutya kounyuni wonale nghe kwa kala okuna ovakainhu ava hava dulu okuhombolwa naava ihava hombolwa. Meemhito dimwe vati okwali hava kala tava tale keemadi. Okakadona kelipo ngo nde okenapo ngo eemhaadi dafa omashina okutwika oungwena, sha hala okutya hano ngeenge taka ende eemadi oda tala momunghulo hano.
Natango ovakulunhu okwali hava tale peemando. Okakadona keli po ngo nde nge to tale komaulu ako vati okuulu okwa kwatafana. Ngeenge eenyala hadi monika dafa oixwango oihalaka inya yonale hano kefi muhombolwa. Hano eshi okwali ha shiningilwa oluhepo lambuleni nondede yaaku todi opo uhe i twaalele oku to ka hombolwa.

Oshili ovalumenhu okwali hava longo noudjuu mefimbo lonale ngeenge tashiya pokukonga omukainhu opo uka hombole. Oupyakadi wakula okwali ne haukala apa, ekadona ne olo wa kongelwa nande ove mokutonga oshili kulihole nawa, lo ohalikala ashike likuhole taliti naave mbeembe shaashi ola hala okuhombolwa. Hano eshi ohashi keeta ne, ooHaiduda ava veli pomukunda ihavai kohambo vakale tave likolongele ko kakadona koye. Efimbo limwe nokuli ngeenge ouna omupya owo ku hanga ngo taka nyamifa.

Kombinga yovalumenhu, vati elumenhu ngo lilipo lomupapa womumati oikesho yalo naikale naana ifike pwaai yonghoshi yodume omulumenhu ou otakutiwa eenyala daye nadikale dile ndele hadeedi ne doumbudi.
Ovakulunhu ova kala yo kwali hava konakona nawa kutya omulumenhu oye tu ou ohai tu kohambo taka pangako hano, ilo ohekiihelako ashike ye teya akale eli peumbo ta vake omanuwa ovanhu momapya. Hano ei oyo imwe kwali haitalika mefimbo lonale una ngeenge omumati ta kongo okakadona opo a itavelwe nokudiminwa kovakulunhu.

Paife onda hala ne tutale mefimbo lopaife kutya hano ovamati noukadona ngeenge tamu likongo nye ohamu tale naana peni no hamu kala mwelikwatelela koshike, sho osho shaetifa oshipalanyole shetu eshi tashiti, oitenya inaipewa vali taikuta.
Ovalumenhu ova Namibia mbela valya ne tavapi mefimbo lonale shili nge tashiya mokukonga ovakainhu. Ashike mopaife eshi ohatu popi ngaha ovalumenhu ava otava dana onghadangala mokulilombola oumbudi noku kashivika komaumbo ovanhu oipupulu kweheshi koshili nande nande. Hano tava ka shivika vo tava ningilwa oitendele yokulya nokonima ava nge va ningineko koko a fila omututu, osho hashi denge oomekulu notatekulu keemwenyo molwa oikulya yavo veitelekelapo eeshodolo doihole youmbudi.

Va Namibia oiyeneya yeni onai ke mu twale ngo ndele na fiyo omoluhepo. Yo ike mu ninge ngo oingudu nonande itamu shongola, vakwetu eenghulungu moineya eengangala mokulya oitelekela vakwetu. Fye paife otwa loloka ne ouvaya uli mumwe noumbudi. ovalumenhu tave lilombola nonande veshi kutya mboli oshili vo itavaka hombola shili. Vakwetu oshili ootakali eedjove ava nava katukilwe onghatu yanyaa keonga osheshi oikulya ohailongwa noudjuu koomeekulu.

Oshili she ohatukala twa limbililwa, shotete naapa ngo hamulikongele oshitivali naashi ngo hamulilombwele kutya oshike osho hashi keya fiyo okomaumbo ovanhu muuye mutelekelwe oitelekela mwafa muna eshi tamu ya mu ningepo mboli shili. Ngeenge ondjala haikala ili momadimo eni popyeni ashike ndele tamu pewa oikulya nonande inamu  lombwela ovakulupe, eehango nokonima yefimbo kadipo vali, ovakulupe ova tumange ne ndifikife etumwalaka leni eli kutya, vati oshili omwatyopokela osheshi eedjove edi hamu ya okulyapo eengongo ohaditendwa noudjuu, nomalodu aa hamu dungilwa oilya ohailimwa noudjuu hashishiiva vati nokomaumbo eni iheko. Vati omukala hamuuya neexuxwa deni ngeenge ombelela yeexuxwa hamu kala mwa hala okulya nye tamu tameke ne tamu popi oumbudi weni nawa,molwaashi oikulya ei mwalya oyeni vene.

Oshili omwa ti ngo ne inashi popiwa, nye mbela osheshi nokuli hamu hangepo novakulupe ava vehena eshi veshi nokuli, ngeno okwali ngo aame pena okalume kalyapo oikulya yange oshali takafufyange eehango ngaho. Oshili ngeno ohaika ningi naana nawa ndele taka nangala taka hadauka ko taka kuwilile omaufiku aeshe nge kakofa pamwe eenghuwilili odo kehole, apa ngo takadi inaa ka fufya vali ovakulupe eehango ame nghililemo moyuuda yedu omo.
oshili vakwetu ame shima tu andi tale ovakainhu voshilongo shetu, nomwenyo wange ohauhale ashike okuya shambade ulu molwaashi ohava ningifwa unene oinima itilifa yo kombinga oiyolifa kovalumenhu, ovana vomeme vo navo opo ne veli vehole eehango neehombo shima elitupo ediyambidi laye ye naapa halidi opo ngo eheshi, keshi nongeenge olahombola nale ilo inalihombola, ye keshi nokomuhoko walo kutya ekwashike ndele wamona ngo nde tali mulombwelepo okahombo koumbudi, omona wameme otateketa ashike afa ewete a hombolwa nale, efimbo limwe onde mu pulile tuu haiti, olye lye emu lombwelele kutya okwa ti wa ou inahombolwa meulu ita imo?

Ovanamibia ovakainhu oshili nye omuvapu okukwatwa, osheshi omuna omaitavelela, efimbo limwe omukala ngo hamu likonyeifa. Hano kamushi vali okulikonyeifa ngaashi omefimbo lonale onamukelihaluke ngo muli nokomitutu mweeshi ou edilafulula. Eshi ne hashi nyengena noha shi limbilikenge, onye ngo muhole eehombo nye mweeheshi okudikwata nawa hano mbela omipya ne hamukala mwahala okulikufa shili.

Oshili onda hala okumu londwela vaholike, inamweetako vali omadiyambidi nomaxungulume eni komaumbo oomeekulu eeuye alyeepo oikulya yovanhu oshali. Ovakainhu pwilikineni ndimu vakeleko manga ovalumenhu vakofa, ndimulombwele eshi hava ningi, omulumenhu ngeenge okweya pwoove tekuholo shima ngo wa kala wafa to mwaanye, ye ota ti, ame noxo ondapumbwa ngo nomunhu wokuhombola, ndiwete ndafa ndakula paife mani. Ove shima ne odo wa udu odo, ove oto tameke to yandje shinyenye woye shaashi otolipula toti aayee nalye ashike shinyenye hawaye. Ye okwa ti oteke mu hombolapo. Oshima ngo ali shinyene woye do neendaka edi domahombolo kwali te ku lombwele odakanamo mokanya kaye. Oshili opo nee hamukanene opo, ondalaye oyo oshili oya kula oidule no ya Elimi.
]JOHN YA TUYENI
CELL 0812988549
MRTUYENI76@GMAILA

Omadilaadilo aa oomunyoli ye mwene ndele kaefi a Kundana

 

 

LEAVE A REPLY

Please enter your comment!
Please enter your name here