A dhengwa pomutima kookalyamupombo

0
404

 

OTAMANZI – Omukulupe omulumentu gwomimvo omilongo 73 okwa li a dhengwa pomutima kookalyamupombo sho ye mu yugu oondola omayovi gaali ngoka a kwata openzela yomwedhi gwa Novemba na Desemba.

Mweenda Iileka omukalimo gwomoshikandjohogololo shaTamanzi moshitopolwa shaMusati okwa ti konima ashike sho a tambula iimaliwa mbyoka okwali ayi mokamuti kamwe moka ali a kala omutumba opo a vululukwe po ye a vule oku tsikila ondjila ye yokuya kegumbo.

Oshiningwanima shika osha ningwa Olyomakaya ga ziko konima ashike Iileka sho a tambula oshimaliwa she.

“Omanga ndili omutumba opweya aalumentu yatatu mboka yali taya lombwele ndje ndi lande okahema oshoka anuwa yo aashingithi mboka ha ya ende ya landula omakwato getu gaakalupe. Konima ashike sho ya zipo onda mono kutya okandjato kandje ka kemo melimba nondali ndu uvu nayi noonkondo,” Iileka a ti ngaaka.

Okwa ti kutya nonando ina koneka kutya aalumentu oya fa peni lela okwa ti iimaliwa ye okwali eyi dhilaadhilila oku landa oshuta ye yokilisimesa ndjoka ina landa nale monkalamwenyo ye hele a tameke oku kwata openzela oomvula dha pita.

Ngashingeyi Iileka ota ka tyapula okilisimesa nomwenyo gwa lindimana oshoka oombudhi ndhoka kadhina henda inadhi mu thiga nando ono thilinga yasha yasha.

Ashike kansela gwoshikandjohogololo shoka Johanes Iyambo okwali a hungu omukulupe omwenyo ta ti konahiya ota ka gandja elombwelo opo aashingithi mboka haya ende ya landula aakulupe ya kale ya ngambekwa oshoka otaya yaka iimaliwa yaakulupe noku ya uvitha nayi.

Johannes okwa ti aakalupe ina ya pumbwa aantu mboka oshoka konyala omahala ageshe ngoka haga tambulilwa kaakulupe ogena oositola moka taya vulu okulanda uushike pendjewo wawo.

Iileka okwa li a taamba omayov gaali oshoka iha ku kala openzela yaakulupe muDesemba kehe omvula.

LEAVE A REPLY

Please enter your comment!
Please enter your name here