A kwatwa po sho a dhipaga omwana

0
482

ONGWEDIVA – Omukiintu gwomimvuo omilongo 24 gwomoshikandjohogololo shaHangwena okuli konima yekumba sho a dhipaga ohanona ye yoomweedhi hetatu.

Oshiningwanima shika osha ningwa mehuliloshiwike lya zi ko momukunda Omaonde moshikandjohogololo Endola moshitopolwa sha Hangwena.

Oshiningwanima shika osha kolekwa kopolisi moshitopolwa shaHangwena ya ti kutya omukiintu  Rebbecca Dineinge okwa holoka nale mompangu no ina pewa iifutilemo.

Ashike oshipotha she osha undulilwa momasiku 16 gaDesemba nuumvo nomakonaakono gopolisi otaga tsikile.

Opolisi oya hokolola kutya Dineinge ngoka ena nale aanona yaali okwa vala okanona ke hoka keli nawa ndele teka dhipaga eta fulu oshilambo monduna ye moka eka fumbike kohi yombete.

Oombangi odha lombwele Kundana kutya Dineinge okwa li a lombwele aapambele ye kutya okwa mona okanona ete ka thigi koshipangelo.

Ashike pa ku ninga omapekapeko megumbo aanegumbo oya li yi itsu Dineinge eli mondunda a lala ashike mo muna oombinzi .

Sho ya tala tala oya mono kutya mondunda omwa fulwa oshilambo no ya dhimbulula kutya okanona na ka keli koshipangelo ngaashi ta ti ihe okwe ka fumbika.

Omunona ngoka okwa li omukadhona no okwali avalwa eli nawa.

LEAVE A REPLY

Please enter your comment!
Please enter your name here