Nico van Staden, oye Lolo Goraseb ta landula

0
307

Kombat –  A valelwa mokamukunda okashona muumbugantu zilo woshilongo, omugundjuka Nico van Staden oye enyakwa lili mokuholokapo ndele nee ke shi ashike okamatyona kowala.

Osha li tashi hili okutala omudhanitanga omugundjuka nguka Nico ta henuna aakeeleli yokonima nuunkulungu we woku dhana etanga. Uunongo we wokudhana etanga inau monika nale nenge owa ningi omasiku wu monike momaudhano pethimbo ndika.

Shika oshali ompito ya shewa okutala omunamimvo 18, ta dhana nawa, naashika  osho oshikumitha  oku tala omumati nguka uuna ta thanga etanga noku matuka nalyo.Shika osha thigile omuntu omaipulo kutya omolwashike omumati nguno a za komukunda gwoko Aroab ihaa pewa ompito okudhanena oshigwana she mospana yaagundjuka yopashigwana.

Omukalo gwe gwokudhana otagu nyanyudha oshowo okukala kwe netanga uuna eli pewa.Omudhani  nguka oha dhana nawa kutya ngaaka aatali otaya ka kala ya hala okufuta iimaliwa yawo pomweelo opo ya ka tale nkene nguka ta dhana nawa.

Omolwa aagundjuka ngaashi nguka ihaa ya monika nuupu kewiliko lyuudhano wetanga lyokoompadhia, ewiliko ndika otali indilwa opo li kale noku tala kooha nooha dhoshilongo opo ya monemo aadhani aagundjuka ngaashi nguka.

Nonando Nico okuna omagano gopaushitwe mokudhana etanga, yemwene ina mona natango nawa omahala geli nawa opo iihumithe komeho mokudhana etanga pomuhingo guuka ngaashi ooyakwawo haya idheula momahala ngoka ga huma komeho.

Omukalimo gwomoAroab, Nico oha vulu okudhana etanga  shaampoka momukunda gwawo shaathimbo.

Nico ngoka ha tulamo ookoola nuupu okwa tameke okudhana etanga omanga eli posikola ya Oosterhein Primary School omanga inaa joina ospana yopomukunda gwawo ha yi ithanwa Brazilian Chiefs.

“Onde shi ndhindhilike petameko manga ndali handi dhana etanga momapandaanda kutya ngame ondina omagano  goku dhana etanga nawa ponkatu yopombanda,” osho omugundjuka nguka gwewi eshona a tumbula.

Pethimbo ndika okwa hala opo a hile omeho gaawiliki yoospana dhetanga lyokoompadhi moshilongo  opo ya vule oku mu pa ompito ye a kale ta dhanene ospana ndjoka noku humitha nawa oshitalendi she.

“Elalakano lyandje  olyo okudhana uudhano wetanga lyokoompadhi pondondo yopaithano, kutya nee otandi dhanene meni lyoshilongo , mo South  Africa nenge palwe muuyuni moka omukalo gwandje gwokudhana gwa faathana. Onda hala nookuli okudhanena oshilongo shandje esiku limwe”.

 

LEAVE A REPLY

Please enter your comment!
Please enter your name here