Okavidio kaFishman oko kotango okudhana ko Mtv Base

0
275

 

WINDHOEK – Omwiimbi gwoongalo dho Afro Pop, Salmon Uulenga, a tseyika nawa nedhina moongalo Fishman, ote shi enditha nawa sho okavidio kokangalo ke hoka okapeepeka kedhina Monica, ka tameke oku ulikwa ko MTV Base oshiwike shapiti.

MTV Base otiivi ndjoka hayi ulike ashike oongalo ndhoka dha dhenga mbanda, na Fishman okwali amono ompito ndjika opo okangalo ke ka kale taka ulikwa kotv ndjoka.

Fishman okwa holola kutya ye okwa nyanyukwa oku kala oye omuhikingalo gwotango ngoka ena ongalo ye tayi ulikwa kotv hoka kaaNamibia ayehe. Ongalo ndjika okwe yi pitithile konyanyala omasiku owala omashona gapitipo  ongehwahwameko lyoalubuma ye ndjoka tayi ka pita mbala komeho yedhina My Time.

Ongalo Monika otayi popi kombinga yohole, notayi tanga okakadhona kedhina Monica, hoka Fishman ta imbi ta ti omukadhona gumwe ngoka a kwatako omutima gwe aguhe.

Mongalo muka Fishman ota kwathelwa ku M-Jay, ngoka ena ewi tali hokiwa kaapulakeni. Shika otashi ulike nokuli kutya ethimbo alihe ndyoka Fishman a mwenapo ota longekidha ashike oongalo dhomulyo omwaanawa.

Fishman omuhikingalo ngoka akala mehangano lyoongalo oomvula dha adha puheyali, nokwali a tseyika tango nongalo ye  Memory, ndjoka ali a kwathelwa komuimbi omuZambia gwedhina Shayman Shaizo.

Fishman okwa pitithile oalubuma ye yotango mo 2011, yedhina 24 Carat, a li ta kwathelwa kuukadhona mboka wali wedhina lyo Gal-Level, Freeda naOteya. Okuza tuu ethimbo ndyoka, Fishman ota pula komeho, naaholi yoongalo dhe onkene taya indjipala konyala kehe esiku.

Ongalo ndjika Monica okwa ti okweyi nunina aayambidhidhi ye, aaholi yoongalo dhe mboka yakala ya tegelela okuuva kuye uule wethimbo.

LEAVE A REPLY

Please enter your comment!
Please enter your name here