Pohamba indiile aakulupe ya hogolole oSwapo

0
419

 

OMBUGA YA MUNYOKO – Omuperisidente omutiyali Hifekupunye Pohamba okwali iindile aakulupe opo ya hogolole ongundu tayi pangele momahogololo guukansela oshowo omalelo goondoolopa ngoka twa taalela.

Pohamba okwa lombwele aakulupe kutya nayo otaya vulu oku ninga sha moshigwana ngele taya hogolola oSwapo.

Pohamba okwali a lombwele aakulupe poshituthi shokutaamba omagano kOmbuga ya Munyoko mOsoondaha.

Pohamba okwati ye ina hala oshilongo shi lelwe koongudu dhoompilameno ta holola kutya kewete ehumukomeho tali ka tsikila ngele Swapo okwa uumbwa ko koshipundi.

“Kandi wete ehumokomeho tali ka tsikila ngele Swapo a zi ko koshipundi. Hogololeni oSwapo opo omahumo ga tsikile,” Pohamba tiindile.

Pohamba okwali woo indile aakwaSwapo ya ha yole nokusheka mboka taya ka galukila koSwapo.

Okwa li a tothamo kondandalunde nokupandula omuleli gwoRDP sho a li a galukile koSwapo.

Pohamba okwa holola mengathithi enene kutya Hidipo Hamutenya okwa ninga etokolo lyasimana nolili mondjila sho a galukile kegumbo.

“Okwa ninga etokolo lya simana, okwa dhimbulula kutya okwa ninga epuko eta galukile kegumbo. Natu mu kuthiliipo,” Pohamba ta ti.

Omuperesidente Omutiyali okwali woo iindile aaNamibia ya simaneke ombili nengungumano ndyoka lili moshilongo ngaashingeyi.

Okwali a holola kutya miilongo oyindji oyina omakuyunguto nomolwaasho iilongo itayi humu komeho.

Okwi indile opo ombili yi simanekwe opo aanangeshefa mbono yeli ehuku lyehumokomeho ya wa pe ya ngeshefe nelalakano lyo kupendula oshilongo.

“Inatu hala iita, otwa hala ombili opo aanangeshefa yetu ya longe nuupu oshoka ngele omuna iita aanangeshefa itaya vulu okubisinessa.

LEAVE A REPLY

Please enter your comment!
Please enter your name here