Shaalula oshina ondjambi

0
523

 

ONDANGWA –  Oskola yopaumwene ya Heroes mOndangwa oyali ya longekidha esiku lyoku gandja olupandu kaanaskola yawo mboka ya longa nuupenda nonuudhiginini momukokomoko gomumvo oshikando shotango nkene enongelo ndika lya dhikilwepo omimvo dha piti.

Omukuluntuskola  Desmond Marongwe okwa oshikando shika shotango okugandja olupandu noonzapo kaanaskola penongelo ndika otashi lalakanene okutsomukumo aanaskola ayehe ya longe nawa unene ngaashi shu uka pehulilo lyomumvo.

Omunambelewa omukuluntu melongo moshitopolwa shaMusati, Aune Iiyambula okwali a popitha aalongwa poskola mpoka. Iiyambula okwa li a indile aalongwa ya simaneke aalongi oshowo aakuluntu yawo, yo ya kale yena etiloKalunga.

Iiyambula okwa kumike aanaskola ya dhiginine elongo yo ya kale ya tseya uuwanawa mboka tawu adhika mulyo. “ Epangelo otali longo ngaashi tali vulu moku kwashilipaleka kutya omunona kehe eli moomvula dhokuya koskola okwa mona elongo, no tali kwashilipaleke kutya esiloshimpwiyu lyaanona momagumbo otali etitha oonkondo,” Iiyambula ta ti.

Ta gwedhapo kutya aluhe ngele omuntu okwa longa nawa nena okwi ilongela okupandulwa. Okwa tsu omukumo aanaskola yi ilongekidhile ekonakono lyawo lya hugunina lyokomumvo, yo ya adhe shoka taya lalakanene moonkalamwenyo dhawo. Ta indile aanaskola mboka inaaya mona oonzapo esiku ndyoka ya kutheko oongaku opo ya longe nuudhiginini noneitulemo olufo talu landula.Okwe ya dhimbulutha wo ya longe noku ilonga nawa omolwekonakono omwedhi nguka.

Okwa pula aalongwa ya pule aalongi mpoka kaa ya uvite, yo ya kale yeshi shoka taya lalakanene moonkalamwenyo dhawo. “ Elongo olyo nali kale oshilalakanenwa sheni, landuleni tango omanongelo opo ihe ngele mwa mana oosikola opo tamu ka tameka oku tyapula oonkalamwenyo dheni nawa, pethimbo ndino omambo ogo na ga kale ookuume keni aanene, ne tamu ikaleke kokule nokuume ya puka mboka inaaya hala okwi itulamo melongo lyawo,” ta tsikileko ngaaka.

Aanaskola okuza pondondo yowala[0] sigo ondondo onti-12 oyali ya pewa oonzapo, omagano ,omakopi,iikwathitholongo oshowo oombandi. Anna Ilovu ngono a shanga ondondo onti-12 oye ali a ulikwa ongomunaskola dhingi moskola ayihe poHeroes. Ilovu okwali a pewa ekopi noyi ndjiyindji.

School-award1

LEAVE A REPLY

Please enter your comment!
Please enter your name here