Shinime Shiivula oye enyakwa lyuudhano wo U 15

0
338

 

ONDANGWA-Osipana yaShinime Shiivula yetanga lyokoompadhi naandjoka yokatanga komokambamba odhali dha sindanapo natango uudhano waanasikola yokohi yomimvo 15 mboka hawu unganekwa kosikola ndjika omumvo kehe.

Osipana yaShinime oyali ya dhengemo Ompandakani noopelenti 4-3 konima sho yali yi ithigi othika nola monola mokapale nokusindanapo ekopi ndika iikando iyali ya landulathana.

Shinime okwa li a toolapo ekopi nokapandi ko N$ 450, Ompandakani oyali yeya pehala etiyali moka yali ya yambulapo okapandi ko N$ 350, omanga Olukolo Primary olwali lweya pehala etitatu lyahugunina moka yali ya hekelekwa nokapandi ko N$ 200.

Muudhano wetanga lyomokambamba Shinime okwali eshipondola okudhengamo oosikola oonkwawo nokusindanapo uudhano mbuka oshikando oshitiyali nokwa li a fala kegumbo ekopi nokapandi ko N$ 350, Ompandakani oyali yeya pehala etiyali na oyali ya pandulwa nokapandi ko N$ 250, omanga Akuniihole Primary ali eya pehala etitatu moka ali a pewa N$ 200.

Oosikola omugoyi odhali dha kutha ombinga muudhano mboka wali wadhanwa Olyomakaya gaziko pokapale kaShinime Shiivula mOndangwa.

Omukwatakanithi guudhano mbuka Johnny Martin okwa ti ota ya longo nuudhiginini opo ya mone omukwashilipaleki guudhano mbuka , no ta ya  nkundathana nongeshefa ya OTB Sport Wear ndjoka ya holola kutya oyina ehalo oku kwashilipaleka ethigathano ndika okutameka momumvo tu uka.

Okwa indile oosikla opo dhi sile uunona oshimpwiyu oshoka uunona wumwe owa li weya kaa wuna aalongi naashika kashishi oshiwaanawa oshoka olwindji oya kala nokwi wilika.

Under-15-1

LEAVE A REPLY

Please enter your comment!
Please enter your name here