Ta piyaganeke nokuloga omusitagongalo anuwa

0
641

 

ONKANI – Aakalimo yomomukunda onkani moshitopolwa shaTamazi oya lulilwa anuwa kuEmilia Jesaya na Tobias Johannes mboka taya lundilathana uulodhi.

Metiyali Kundana okwali a ka talelapo pomukunda ngoka oku uva nawa kutya oshike naanaa shili momukunda moka shoka tashi eta etopoko oshowo nosho wo uutile mokati kaakalimo.

Ota ku hokololwa anuwa kutya Jesaya ngoka wo a tseyika nawa nedhina  meeKavali okwa tseyithile aakwashigwana kutya ota ningilwa omatilitho ku Johannes sho temu lundile kutya anuwa oha logo aanegumbo lye.

Ashike Kundana sho ayi kuJohannes ngoka eli woo omusita gwongeleka ompe okwa ti ye ota longele Kalunga koshili na okwa ulukilwa kuye kutya mee Kavali oye ha eta mo ombepo yaakwampungu ndjoka hayi ya piyaganeke uusiku megumbo lyawo.

Meekavali okwa li a ningi onkambadhala sigo okopolisi opo Johannes kaa lyatemo megumbo lye oshoka ota ti ohayi mo te ke mupiyaganeka nokue mutila oshoka ye uulodhi mboka tawu popiwa ku Johannes ke wu shi.

“Aantu mboka ohaye ya pegumbo lyandje ta ya tilitha ndje ya hala oku dhenga ndje oshoka anuwa ohandi ya logo ashike ngaye ihe logo na kandina shoka ndishi,” Mee Kavali ati ngaaka.

Johannes okwa ti ye kena nando esiku a ningilile mee Kavali omatilitho ashike okwa ya ko ashike eke mu galikanena opo a hulithe po ombepo yokuya dhanena uusiku.

Johannes okwati mee Kavali ngoka okwa kala emu shi nawa omanga opo eya po pomukunda mpoka sigo esiku mee Kavali a joina ongeleka ndjoka.

Sho nduno mee Kavali a mono kutya mongeleka omuna eitaalo lya kola okwa tokola opo eyi thigepo noku tameka okuyi sheka sho a mono kutya Johannes okwa mona kutya Kavali oha dhanene aantu.

“Ngame onda ulukilwa ashike ku Kalunga kutya ombepo ndjika hayi tu piyaganeke megumbo lyetu muka oya mee Kavali. Otuli pomukunda guna aantu oyendji ashike omuntu ngoka Kavali oye ashike nda ulukilwa ku Kalunga ha piyaganeke aantu, Johannes a ulike ngaaka.

Johaness okwali a ekelehi woo omapopyo ga Kavali kutya ohe mu ningile omatilitho ta ti ye ngeno okwali omukolokoshi inaa valululwa ngeno gwaKavali okwe mu ningila nale  uuwinayi.

Okwa lundile gwaKavali kutya  iha toka omukiintu ena epunda ohemu dhanene anuwa sigo okanona ka pitipo. Okwa ti ye okwa kanitha nale unona we wuli uyali wa sila ashike momapunda ashike auhe okwa ulukilwa ombepo ndjoka kuKalunga kutya owa dhanenwa kuKavali.

Ashike Kavali ina kamuka nande oshitya kutya okwali oshilyo shongeleka ndjoka ihe ota dhenge ashike omuthindo kutya ye ota lundilwa ye keshi omulodhi noongeleka ndhoka otadhi eta evundakano.

Ashike Johannes okwa ti hela ongeleka ye yeya momukunda moka inayi piyaganeka mo nande omuntu ka kele kuKavali ngoka oye he ke ya hinda.

Ashike ohaya kambadhala ngaa yemu galikanene.

Sho Kundana a thiki po pegumbo lya Kavali noyana, gumwe gwawo okwa li a tameke okulila no kali ena etompelo kutya omolwashike a li ta lilile.

kavali

LEAVE A REPLY

Please enter your comment!
Please enter your name here