Tequila a shaina etso kumwe no AMG Media

0
363

 

WINDHOEK – Onkulungu mwokwiimba oongalo dho Afro pop, Teckla Iita, ngoka a tseyika nedhina Tequila, osho ashaina etso kumwe moongalo pamwe nehangano  lyo AMG Media, oshiwike shika.

AMG Media ehangano ndyoka opo lya dhikwapo omvula ndjika, oku kwathela aahikingalo mboka aape naakulu, opo ya hedhithe iipewa yawo pomuthika gwopombanda. Ehangano ndika ohali ningi ooalubuma, uuvidio,  okutseyitha  nokuninga omikwelengendjo dhoongalo kaahikingalo mbaka.

Ehangano ndika olina ooyene yatatu, Antonio Dragan,Maya Neto naGlo Solani. Tequila okwa holola enyanyu lye sho ayi meuvathano nehangano ndika ta ti ye okwanyanyukwa noonkondo, nokwinekela kutya ota ka mona mo sha mehangano muka ngele tashiya poshitalenti she. “Eeno tse otwa shaina nale etso kumwe lyetu pamwe nehangano ndika ongulohi yEtiyali oshiwike shika, niinima aihe oyili miilonga,” Teguila a koleke ngaaka.

Gumwepo gwomongundu ndjika, Antonio okwa ti, ngaashi ngeyi oya tameka nale nokuninga uungalo mboka tawu ka kala moalubuma yaTequila yotango, tayi ka pita kuyele omvula tayiya. “Paife otwa tameka nale nokangalo hoka kotango taka piti manga Desemba inaathika pamwe nokavidio kako,” Antonio ta ti ngaaka.

Tequila omukiintu ngoka ha longo nuudhiginini ngele tashiya moongalo ye okwa sindana omakopi ogendji, mwa kwatelwa ndyoka lyomuhikingalo dhingi omukiintu omuNamibia methigathano lyo NAMAS.  Manga Tequila inaa pititha oalubuma ye ndjoka Golden Sunset, okwa kala e shiwike nawa noku imba pamwe naahikingalo ooyakwawo ngaashi Suny Boy na D-Naff.

Noalubuma ye ndjoka ompe, Golden Sunset, okwali a tseyika koyendji ongomuhikingalo dhingi moNamibia. Okuza mpoka Tequila ina ulika we ethimbo lyokusholola na sigo oompaka ota pula komeho.

LEAVE A REPLY

Please enter your comment!
Please enter your name here