Va pewa eedjapo mokumbaanga eedula dihapu

0
398

 

Lüderitz – Regina Ananias okwa pandula unene eshi ombaanga yo Standard Bank ye mu tumbaleka moku mu pa odjapo eshi a kala nokumbaanga mombaanga oyo tuu ei oule weedula 50 daka pita.

Ovanhu veli 10 ovo vambaanga mombaanga yo Standard Bank moshitayi sha Lüderitz oule weedula dakonda po 40 omo Ananias a kwatelwa ovapelwe eedjapo komukwateli komesho wombaanga yo Standard Bank, Vetumbuavi Mungunda oufiku wetitano ladjako pohotela ya Nest mo Lüderitz.

Eshi osha ningilwa pouvalelo wowina oo wali wa unganekwa kombaanga yo Standard moku tyapula omido 100 dekalepo lombaanga ei mo Namibia eshi ya patulula oshitayi shayo sho tete mo Lüderitz modula 1915.

Ovo va pewa eedjapo ovo Hjeo Schmidt ambaanga oule weedula 60, omanga Regina Ananias ambaanga oule weedula 50 mo Standard Bank moshitayi shomo Lindili.  Ovo vapewa pamwe eedjapo ovambaanga mombaanga oyo tuu eyi okudja peedula 40 fiyo eedula 46.

Ananias okwa hokolola nghene shali shidjuu kuye okukonga oilonga pefimbo linya, opo a dule okumona oilonga yee ahovele okupungula ondjabi yaye mombaanga yo Standard Bank moshitayi shomo Lüderitz okuhovela modula 1965.

LEAVE A REPLY

Please enter your comment!
Please enter your name here