A yambekwa nuunona welongo

0
742

 

OKAPEMBE – Omukiintu gwoomvula dhopokati okwa nyanyukwa unene , konima yokumona aanona yatatu (3) pethimbo limwe ano a vala elongo. Pethimbo ndika Ruusa Nambandi okuna aanona yatano.

Nambandi omukalimo gomomukunda Okapembe moshikandjohogololo Oniipa okwa hokolola kutya kehulilo lya Septemba okwali a mono aanona yatatu, shono ta holola kutya oye gwotango mezimo lyawo ta mono elongo.

“Ondu uvite enyanyu enene nonda pandula Kalunga kandje ngono a yambekendje nomagano gaanona ye thike mpaka, sho nda kala ha ndi yi koshipangelo onda kala handi lombwelwa kutya ondina uukwana, naasho ndaka mona ondeku uva owala omupangi ngu a monithandje ta ti nani ondina elongo,” Nambandi ta ti ngaaka.

Nambandi ta ti nande aanona ye mbuka ayehe aamati ya valelwe inaa ya kola nawa inashi ya kutha ethimbo ele ya koke. He yaanona mbaka Shavuka Shavuka okwali ewu luku Mathew, Paulus na Asser. Shavuka naye okwali a holola enyanyu lye , nokwa pandula Kalunga kawo sho eya yambeke nomaganohenda ngoka yali inaa ye ga tegelela.

Nonande Nambandi ena enyanyu okwe shi yelitha kutya okuli monkalo ya pumbwa ekwatho opo a vule a tekule nokukwatha uunona we. “ okuyamutha aanona yatatu oshinima oshidhigu, onda pumbwa omahini oshowo oshimaliwa shokulanda iipumbiwa yaanona yesiku ngaashi ominambo nosho tuu otandi longo nuudhigu molwa onkalo ndjika,” Nambandi ta gwedhapo ngaaka.

Okwa tsikileko ta ti okwa kala owala megumbo na yinakulu ngoka oye ha kwata openzela nomo aluhe ya hupila naanegumbo ayehe. Yo nahe yaanona we anuwa ihaya longo, nonande he yaanona  ta nyangadhala  ngaa mpaka naampeyaka, shoka ta mono itashi gwanene oondooha dhomahini, Nambandi ta ti.

Molwa onkalo ndjoka ya kala tayi nyengathana omolwa oondooha dhomahini ndhono a kala ta landa, hadhi pupo owala mbala okwali a tokola opo aye koshipangelo kOnandjokwe ye a ka ninge eindilo a kale ando ta pewa oondooha dhomahini, nonande ali a pewako oondooha ndhoka oonshona ndatu okwali a lombwelwa kutya oshipangelo itashi vulu shi kale tashi mupe omahini ethimbo kehe.

Nambandi ota indile moshigwana opo aaNamibia aanamutimahenda yemu kwathe opo a vule a tekule aanona ye mbaka a yambekwa nawo ali ineeshi tegelela.

Triplets1

LEAVE A REPLY

Please enter your comment!
Please enter your name here