A galuka nOmahokololo gaMnali

0
344

Omwiimbi omuNamibia ngoka ha imbi oongalo dhoKwaito noAfro pop, Nalimaangulike Ndengu, a tseyika nawa nedhina Mnali osho a galukile moongalo konima yoomvula omulongo, noalubuma ompe yedhina The Tales of Mnali (Omahokolo gaMnali). Ngaashi Pinehas Nakaziko ta kundaneke.

WINDHOEK-Mnali ngoka ali a tseyika noalubuma ye ndjoka yali tayi etitha oonkondo yedhina Nali Taliwaka mo 2006, okwa galuka nomukumo, ye pamwe ishewe nehangano lyokwiimba epe lyedhina Dope Boyz Note Studios.

Oalubuma yaMnali ompe ndjoka yi na oongalo 11, oya tengenekwa yi ka pite oshiwike shika twa taalela. “Oalubuma ndjika otwe yi luku Iihokolola ya Mnali oshoka shika osha li edhilaadhilo ndyoka twa etapo oku tula oongalo dhomithigululwakalo mumwe no dho pashinanena onga ehokololo okuza petameko,” Mnali ta ti ngaaka.

Okangalo ke kotango hoka ta ka kakala moalubuma ndjika kedhina Be There, ta kwathelwa ku Tequila, okeli kapita kooradio dhomoshilngo nota ka inyenge nawa. Okangalo haka ota ka popi kombinga yohole, opo mboka yeholathane ya kale yiikalela po.

Ethaaneko lyokavidio lyokangalo haka olili metifa nokwa tegelelwa ka kapite oshiwike shika tu uka.

Moalubuma ndjoka ya tegelelwa yi ka pite otamu adhika ishewe ongalo yedhina Dope, moka Mnali ta k wathelwa ku Exit, noku nakusa Jacus Krige. Ongalo ndjika oya Nunimwa woo Jacus Krige, ongedhimbuluko lye molwiilonga mbyoka a longa nawa pamwe na Mnali.

Ongalo onkwawo oondjoka tayi hokitha  no ya hokiwa komupulakeni yedhina Oshimaliwa, yoHouse tayi longo opo aantu ya longe nuudhigini yo ya imonene oodola dhawo.

Mnali okwa tamekele oku imba mo 2004 manga hasikola mosekundo sikola Ekulo mOmuthiya, moshitopolwa Oshikoto pamwe nOmzoo. Okwali ya topoka naMnali okwa tameke oku imba oongalo dhe oye awike moka a pititha oalubuma yotango Mnali Taliwaka.

Ota tengeneke opo akale athaanekitha uuvidiwo waadha puutatu. Okwa ti omvula 2016 omvula ye yokupula komeho no ita kashuna nande oshithi monima. “Ngaashingeyi otwa hala aahikingalo mboka ya hala okulongela kumwe natse, naanyandi opo ya kale ye ya mehangano lyetu tse tutule uukuni kumwe,” Mnali ta ti.

Kakele ashike koalubuma, Mnali oyali ya tula ishewe uukuni kumwe pamwe nehangano lyoParadigm Shift Movement ndyoka hali ningi uufelema woshiwambo mboka wuna ehuku oku tunga nokulonga oshilongo, unene kombinga yomahepeko ngoka ha ga ningilwa aakiintu ethimbo lyonena.  Uufelema mbuka otawu ka ulikwa kepandja lyoFacebook lya Mnali konyala kehe omwedhi.

 

LEAVE A REPLY

Please enter your comment!
Please enter your name here