Dama Monique atseyitha noku ulika oalubuma ye

0
413

Ondjila adhihe moKatutura mEtitano ndika otashi vulika dhi  ka taalele koHavana po7 Star Bar mpono, Dama Monique ta ka tseyitha noku ulika oalubuma ye ontiyali yedhina Tyakosha.       Pinehas Nakaziko okwa Kundanatha na Monique nongashingeyi ote tu kundaneke.

Dama Monique  a tseyika nedhina lyuudha Monika Vatekuleni Joona omwiimbi omugundjuka gwoongalo dhomaludhi giili ngaashi Okwiku, Kuduru, Kizomba noAfro Pop nokuna ewi ewanawa.

Pethimbo lyetseyitho neuliko  lyoalubuma ye ota uvaneke ta ti ota yi ka etelela omainyanyudho ga kwata miiti oshoka aahikingalo ya yoolokathana nayo taye ke shi ningila nashiti otaka tekela mbundje uusiku mboka.

Aahikingalo ngaashi Khalli, Ama Daz Floor, Nono, D-Squire oku tumbulapo ashike yamwe ota ya ka kwathela Dama Monique ketseyitho lyoalubuma ye.

Dama Monique ota hi ya nee aayambidhidhi ye osho woo aaholi yoongalo dhe naa yambidhidhe oshoka itapu ka futwa sha pomweelo. Dama Monique okwa konekiwa iha thigi emanya lya londa kekwawo uuna ta ulike uunongo we kostage no ha thigi oyendji ya nyanyukwa nayi koodanisa dhe. Dama Monique oye gumwe wo gwomaahikingalo mboka yakutha ombinga methigathano lyoongalo dhoKizomba moNamas omvula yazako.

Dama Monique okwa holokele mehangano lyoongalo mo 2008. Okangalo ke kotango okali Apagada hoka kali ka pititha okaviidio kako mo 2009. Okuza mpoka ongalo ndjoka oya kala yi holike koyendji naashoka sha tula  Dama Monique pomuthika gwopombanda.

Oalubuma ye yotango oyali The Moment noyali ya piti mo 2010 ndjoka yali yakwatelamo oongalo 17.

LEAVE A REPLY

Please enter your comment!
Please enter your name here