Engathithi ene lya thinikile tate Sakaria Nangolo

0
279

 

ONGWEDIVA – Omukalimo gwomOngwediva Sakaria Nangolo a thindikilwa kongudu onene yaalilisa moLyomakaya Novemba 14,2015 mOngwediva moshitukulwa shaShana. Nangolo ngoka a ali omvalele yaKambonde moshikandjhogololo shaNiipa moshitukulwa shaShikoto, okwa mana oondjenda dhe Novemba 03, 2015 moshipangelo shepangelo shaShakati, ku na omasiku mashona a tyapule oshituthivalo she. Kwa adhika andola ta gwanitha omivo 81.

Oyendji oya hokolola nakusa Nangolo a dhana onkandangala onene mekondjelomanguluko lyaNamibia pethimbo lyoomvula 1970 sigo 1980. Otaku hokololwa kutya oye gumwe gwaamboka ya kala nokuthindikila aakwiita yokakulumbwati koongamba, a kala ha  humbata iilwitho nehauto lye lyoDodge opo ya vule ku tsikila komeho nekondjelomanguluko. Yamwe okwe ya thindikila koongamba ya vule okutaguluka. Okwa longa oushimba koGrootfontein, Mariental, noKeetmanshoop opo nawa a ka ya kOmbaye. Aalilasa oya hokolola taya ti Nangolo okwa li ha dhilaadhila nokukandula po omikundu meendelelo. Esiku limwe anuwa okwali a adhikilila noshikulo koombulu, pOhakweenyanga. Sho a mono kutya okwa fa ta yi muupyakadhi, okwe shi ithana konima yehala lyomalandithilo te shi tende nekawa ye ta popi ta ti omwana i iyaka moseminali Ongwediva. Pamukalo nguno okwe shi xupitha sho a holeke ombistoli yasho kohi yepakete mondingosho ye, te ya lombwele kutya ota thindikile omwana mbala kosikola manga omweelo inagu pata.

Aapopi oyendji oya tumbula uupenda gwe mekondjelomanguluko lyaNamibia miinyangadhalwa oyiindi pamwe nayakwawo sigo okuushimba waMbaye hono a yile ko nedhina lyomiineya Ndjeke yaMalimba hoka a nwetha mo oyendji.Nangolo okwa longa moshipangelo shaShakati omanga ina penzelwa.

Tate Sakaria Nangolo oyali ya valwa ye li 16, ya hamano oya mana oondjenda. Okwali woo a pewa omagano gaanona 21 ashike yane oya mana oondjenda. Okwa thiga ko omuselekadhi Meme Tusnelde noyana li 17, aatekulu naatekulululwa oyendji.

LEAVE A REPLY

Please enter your comment!
Please enter your name here