Iikundaneki otayi humitha komeho uudhano moshilongo

0
291

 

ONGWEDIVA-Omupresitende guudhano wo volleyball moNamibia Joel Matheus okwa  nyanyukilwa iikundaneki sho ta yi dhana onkandangala mehumo komeho lyomaudhano .

Ndhika Joel okwe dhi popile mOngwediva pethimbo ya li pamwe nosheendo shomunambelewa ngoka a zile kongongahangano yuudhano woVolleyball muAfrica Etitano lyazako.

Joel okwa ti uudhano woVolleyball owa kala wuli konima yesiga  nuunona owundji kawali wuna ohokwe yuudhano mbuka, ashike  okwa ti iikundaneki oya dhana onkandangala onene moku gandja  uuyelele naashika oshali sha patulula omeho gaanona oyendji mboka yakala yena ashike ohokwe mokatanga kokoompadhi.

“Nando opuna natango oshindji okuninga ngele ota shiya kuudhnao mbuka ondu uvite kutya iikundaneki oya longa shomupondo nongele oya tsikile ngeyi otwa tegelela oshindji ngele otashiya kependulepo lyomaudhano moshilongo, uudhano kapuna esiku wu ka tseyike kaantu ngele kapuna iikundaneki,” Joel ta ti.

Okwati ewiliko lyuudhano mbuka otali longo uusiku nomutenya opo uudhano mbuka wu kale tawu dhanwa mokakololo kehe kaNamibia.

Okwa ti owo wumwe womuudhano kauna omangwandjulathano omanene naashika osha eta iiningwanima yomaehamo yikale lela pevi oshoka aadhani ihaya gumathana poompito odhindji.

Okwa ti omandiki ngoka ga dhikwa moshilongo ota ga longo nuudhiginini oku eta uudhano mbuka pondondo yili nawa , ta ti uunona owapumbwa okutameka omaudhano omanga wu li pethimbo lyomimvo dhopevi lela opo yakoke yena nale ontseyo. “naashika otashi ka pa Namibia ompito yoku kala ta vulu oku kondjitha iilongo yuuyuni pamuthika goVolleyball ta ti oshinima shoka Namibia ihaa vulu okuninga pethimbo lyongashiingeyi.

Ondondo yuudhano mbuka ota yi koko esiku kehe naashika osha fuula omunambelewa ngoka ali moshilongo oku tala nkene Namibia teshi enditha sho yali ya dhike omandiki ngoka taga wilikwa kongongahangano yuudhano woVolleyball muAfrica kohi yopoloyeka yo African Dream.

Khalid Cassam okwati okwa fuuka ku nkene Namibia ta humu komeho muudhano mbuka ta ti iilongo ya Africa oyindji oyi na okwiilongelako ku Namibia.

Ndhika Cassam okwa li edhipopile pendiki lyo African Dream Project lyomOshana ndyoka lili mOngwediva.

LEAVE A REPLY

Please enter your comment!
Please enter your name here