Kilimanjaro Boxing Club otayi tsikile nomaudhano koNooli

0
344

 

OSHAKATI-Oshiputudhilo sha Kilimanjaro kohi ya Joseph Benhard otashi longo nuudhiginini oku humitha komeho uudhano woongonyo koNooli yoshilongo.

Ngashingeyi otashi ka longa pwaana ezimbuko sho mona uuthemba okulongekidha uudhano woongonyo pomuthika gwopaigwana . Epitikilo nuuthemba mbuka owa gandjwa kolutu halu wilike uudhano woongonyo moNamibia.

Joseph Benhard ngoka eli omubokisi omukulu okwa ti ota tsikile nokulonga nuudhiginini opo ku yambulwepo omaudhano ngaka nando olwindji oya taalelwa komashongo ogendji, ngaashi ompumbwe yoshimaliwa, iilongitho yomaudhano nosho tuu.

Okwa ti nando a li  a kambadhala oku konga aakwashilipaleki olundji okwa kala neshongo oku mona mboka poompito odhindji oshoka oongesefa odhindji inadhi ilongekidha oku tula oshimaliwa shadho momaudhano, nomwaalu ashike omushona gwaanangeshefa ogo hagu yamukula omaindilo gawo.

Tati “ngame ota ndi kwathele ashike oku kutha oshigwana momapandaanda shoka shilimo sha taalelwa kaatondi oyendji ngaashi elongitho lyiikolitha sha pitilila oshowo oku gwila muupika wiingangamithi nuufuthi wiinima yaantu.

Oshiputudhilo shika osha taalela uudhano uunene mboka wa tegelelwa wu ka nyanyudhe oyendji  oshoka omanyakwa oga tegelelwa ga katalelepo iitopolwa yokoNooli.

Benhard okwa ti uudhano womanyakwa owa tegelelwa wu ka kaleko momasiku 12 December moka Albinius Feresiano ta ka ya mondambo na Godfrey Nemukongwe gwa South Africa.

Immanuel Mungandjera naye wo ota ka ya mondambo esiku ndyoka opamwe naabokisi ooyakwawo muudhano mboka kwa tegelelwa wu ka etele aaholi yobokisa koNooli omalugodhi kumwe geli gahetatu.

Aakalimo yokoNooli oombwa dhakwata odheni oshoka Kilimanjaro ote kemu pa okili kuyele nuumvo.

LEAVE A REPLY

Please enter your comment!
Please enter your name here