Meriam Kaxuxwena uulike uubikini  

0
292

Okwa li enyanyu lyakwata miiti ongulohi yEtitano lyapiti sho kamwepo komuukadhona dhingi, Meriam Kaxuxwena, kali ka ulike nokutseyitha uumbulukweya wako uushona mboka wokuyogitha (Bikinis) po NamPower Convention Centre. Pinehas Nakaziko ota kundaneke.

Meriam okwali a ulike uubikini mboka wuli pomaludhi gane, wolupe lwoshi Brazil. Omwaalu gwaadha pongundu yaantu omathele ogendji ogwali gwa udha moNampower Convention Centre opo ya tale kutya Meriam okuya nine shike ongulohi ndjoka.

Uupendi mboka wali wa ningwa nuukeka nowali wa hokitha oyendji owali wa ulikwa kuukadhona nokaamati mboka kumwe ya li yethike paaantu omilongo ne.

Kombinga yomainyanyudho opwali puna Exit naSally mboka ya li ya nyanyudha aatali mbaka. Olweetho lwotango nolutiyali okwali lwa ulike omaludhi ga yoolokathana guuBikini moka mwakwatwelwa omalwaala ogendji.

Omanga olweetho ndoka lwa hugunina olwo lwali lwa dhenga pombanda sho Meriam a ulike uumbulukweya we awuhe uuludhe.

Shika oshali oshikando shotango moshilongo tamu  ulikwa uuzalwomwa mboka uushona wokohi nowo ku yogitha ontente, sha talika ko ongonkatu onene ngele tashiya miilongadhalwa oyindji yo mainyanyudho kaagundjuka.

Meriam ngoka ashike ena oomvula 22, okwa kala no kulonga nuudhiginini mpaka naampeyaka oku yambulapo Namibia sigo opomuthika ngoka gwopombanda. “Pethimbo ndika Meriam okwa li a kumagidha opo aaNamibia ayehe yakale yiitula miilonga opo ya yambidhidhe ehangano lyiizalomwa opo Namibia lyi hume  komitse.

LEAVE A REPLY

Please enter your comment!
Please enter your name here