Aaleli aakulu yoRDP onkene yatsa elila taya shuna koSwapo

0
512

TSUMEB – Omukwatakanithi gwongundu yoSwapo moshitopolwa shaShikoto Armas Amukwiyu okwa endulula kutya ongundu yoSwapo oya patulukila kehe gumwe noyi ilongekidha okutaamba nomaako agehe kehe ngoka a hala okugaluka nenge okuninga oshilyo.

Amukwiyu ndhino okwedhi popi  oshiwike sha ziko pethimbo ali ta taambako iilyo yongundu yoRDP mbyoka ya galukile kongundu yoSwapo, sha ningilwa poombelewa oonene dhoSwapo moTsumeb.

Amukwiyu okwali a pandula iilyo mbyoka ya galuka a ti oya ninga etokolo lya simana sho ya mono kutya osha pumbiwa ya kale ya galukila koSwapo manga omahogololo inaaga thika.

Yamwe yomiilyo mbyoka ya galuka ongaashi ngoka ali amushanga goRDP mOshikoto, Ismael Shailemo,ngoka ali omukwatakanithi go RDP moTsumeb, Moses Shapwa Shingo oshowo George Nghishipopi.

Shailemo ngono ali a popi pethimbo ya taambwako okwa yelitha kutya oya mono kutya oshoopala opo ya galukile koSwapo, omolwa iilongapondoli mbyoka ongundu ndjika ya longa pethimbo lyekondjelomanguluko.

“Onda mono woo kutya ongundu yoSwapo oyi imanga kumwe no ta yi longo shu uka mekwatelokomeho lyOmupresidente Hage Geingob, omatokolo getu gokugaluka ogeli mondjila notwa hala tu longe muukumwe pamwe naaNamibia aakwetu mboka ye hole ombili nelandulathano, no inatu hala tu thigwepo ngaashi epopyo lyOmupresidente,” Shailemo ta gwedhapo ngaaka.

Omukwatakanithi goSwapo okwa ti oya hala nokuhalelela opo mOshikoto mwaa kale nande ongundu yompilameno, yo ya endele pamwe nethimbo mokukondjitha omauwinayi agehe moshilongo, yo ya kalekepo ombili nokuhumitha woo komeho oshilongo, ta ti aakwashigwana ngele oyeli metopoko moshilongo itamu kala ombili nelongelokumwe.

Oyendji oyali ya holoka noyali ye ya ya taambeko iilyo mbika ya galukile koSwapo. Amukwiyu okwe shi yelitha wo esiku ndyoka kutya yo moSwapo oyi ilongekidha okutaambako kehe gumwe ngoka a hala ku galukila kongundu oyo tuu ndjika, nonande omiyelo dhaamboka ya tidhwamo mongundu molwa shika naashiyaka tadhi kala dhe edhilwa sigo pwa ka ningwa omatokolo galwe.

Ta indile ayehe mboka yeli koongundu ndhoka yeli noya hala ya galuke ya manguluke yo ya ninge omatokolo ngoka geli mondjika ya galukile kongundu tayi pangele oSwapo manga etitano ndika inaali thika.

Rejoin2

LEAVE A REPLY

Please enter your comment!
Please enter your name here